Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Regjimi "mizor" i talebanëve, vajzat përdoren si skllave seksi, gratë po digjen për së gjalli

Politiko 21 Gusht 2021, 19:53

Regjimi "mizor" i talebanëve, vajzat përdoren si skllave

Talebanit e kanë nisur sundimin e tyre, të rikthyer pas 20 vitesh në skenën politike të Afganistanit, me dorë të hekurt. Pavarësisht thirrjeve që i drejtuan popullit afgan për paqe dhe falje ndaj të gjithë atyre që kishin luftuar kundër talebanëve, premtimet e tyre po thyhen dita-ditës.

Mediat e huaja raportuan se militantët talebanë dyshohet të kenë vrarë një grua duke e djegur për së gjalli, pasi nuk iu pëlqeu ushqimi që ajo kishte gatuar për ta. Për disa të tjera thuhet se janë kërcënuar me jetë për ti shndërruar në skllave seksi të talebanëve.

Në një intervistë për Sky News, ish-gjykatësja afgane Najla Ayoubi, tha se “i detyrojnë njerëzit t'u japin ushqim dhe t'i gatuajnë ato. Një grua u dogj sepse u akuzua se kishte gatuar ushqim të keq për talebanët.”

Ish-gjykatësja pohon se është larguar nga vendi kur talebanët filluan të merrnin më shumë kontroll mbi Afganistanin dhe tha se ajo ka marrë raporte të shumta për dhunën kundër grave. Ajo shtoi se ka dëgjuar gjithashtu se shumë aktiviste janë fshehur për shkak të frikës nga dhuna.

"Ka kaq shumë gra të reja në javët e fundit që po dërgohen në vendet fqinje në arkivole për t'u përdorur si skllave seksi. Ata detyrojnë familjet të martojnë vajzat e tyre të vogla me luftëtarët talebanë. Unë nuk e shoh se ku është premtimi që ata mendojnë se gratë duhet të shkojnë në punë, kur ne po i shohim të gjitha këto mizori”, ka thënë ish-gjykatësja për Sky News.

Gratë që jetuan nën sundimin e talebanëve nga 1996-2001 nuk u lejuan të ndiqnin shkollën ose punën, mund të linin shtëpitë e tyre vetëm me praninë e një burri dhe u kërkohej të mbanin mbulesa kokë e këmbë.

Një deklaratë e kohëve të fundit e nënshkruar nga SHBA dhe 20 vende të tjera u kërkoi atyre që ishin në pushtet në vend të "garantonin" mbrojtjen e grave dhe vajzave nga "çdo formë diskriminimi dhe abuzimi".

"Ne jemi thellësisht të shqetësuar për gratë dhe vajzat afgane, të drejtat e tyre në arsim, punë dhe lirinë e lëvizjes. Ne u bëjmë thirrje atyre që janë në pozita të pushtetit dhe autoritetit në të gjithë Afganistanin të garantojnë mbrojtjen e tyre," thuhet në deklaratë. "Ne në bashkësinë ndërkombëtare jemi gati t'i ndihmojmë ata me ndihmë dhe mbështetje humanitare, për të siguruar që zërat e tyre të dëgjohen."

 

Të fundit