Flash News

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

Bota

Rojet bregdetare të Greqisë hapin zjarr ndaj një anije mallrash ‘të dyshimtë’ turke

Politiko 11 Shtator 2022, 15:30

Rojet bregdetare të Greqisë hapin zjarr ndaj një anije mallrash

Rojet bregdetare greke hapën zjarr ndaj një anijeje mallrash që lundronte në ujërat ndërkombëtare në detin Egje, duke përshkallëzuar tensionet me Turqinë që janë rritur javët e fundit.

Mediat e huaja shkruajnë se nuk pati viktima nga të shtënat, që ndodhën 11 milje në jugperëndim të ishullit turk të Bozcaada, tha një deklaratë e rojes bregdetare turke.

Roja bregdetare greke konfirmoi se gjuajti "të shtëna paralajmëruese" në një anije që "lëvizte në mënyrë të dyshimtë" në ujërat territoriale greke pranë ishullit Lesbos.

Kapiteni i anijes së mallrave refuzoi të lejonte një inspektim dhe më vonë u shoqërua në ujërat e afërta turke, thanë zyrtarët e rojes bregdetare greke, duke theksuar se ata informuan autoritetet detare në Turqi për incidentin.

Zona është e njohur për shumë anije që sjellin emigrantë nga Turqia në vendet e Bashkimit Evropian, Greqi dhe Itali. Roja bregdetare greke thotë se kontrollon rregullisht anijet që sillen në mënyrë të dyshimtë në Egje.

Vendet fqinje janë përfshirë në mosmarrëveshje për dekada dhe fërkimet janë rritur në javët e fundit, me të dyja palët që pretendojnë shkelje të hapësirës ajrore. Zyrtarët grekë kanë ngritur shqetësime për një tjetër shpërthim konflikti në Evropë pas luftës së Rusisë në Ukrainë.

Ankaraja ka akuzuar Athinën për "pushtimin" e disa ishujve të Egjeut dhe për ngacmimin e avionëve turq me sistemet e mbrojtjes S-300 të prodhimit rus të stacionuar atje. Athina i mohon pretendimet.

Greqia thotë se duhet të mbrojë ishujt e saj lindorë, duke përfshirë pikat e nxehta turistike Rodos dhe Kos, të cilat janë shumë më afër Turqisë sesa me kontinentin grek, kundër fqinjit të saj më të madh dhe më të fortë ushtarakisht.

Burimii: Al Jazzera

Të fundit