Flash News

Bota

Rrëzimi i dy helikopterëve në SHBA: Konfirmohen nëntë të vdekur

Rrëzimi i dy helikopterëve në SHBA: Konfirmohen nëntë

Nëntë persona kanë humbur jetën pasi dy helikopterë të ushtrisë amerikane u rrëzuan të mërkurën mbrëma në shtetin e Kentakit, konfirmuan zyrtarët.

Incidenti përfshiu Divizionin 101 Ajror dhe ndodhi gjatë një misioni stërvitor pranë një baze ushtarake.

Zyrtarët ushtarakë konfirmuan se nëntë pjesëtarë të shërbimit vdiqën, duke thënë se ishte një "humbje vërtet tragjike".

Përplasja ndodhi rreth orës 22:00 me orën lokale (02:00 GMT), afër bazës ushtarake Fort Campbell.

Është e paqartë se çfarë e shkaktoi përplasjen dhe një hetim për atë që ndodhi është duke u zhvilluar.

Në një deklaratë për BBC News më herët, një zëdhënës i ushtrisë amerikane tha se dy helikopterë HH60 Blackhawk u rrëzuan gjatë "një misioni rutinë stërvitor".

Komanda aktualisht është e fokusuar në kujdesin për pjesëtarët e shërbimit dhe familjet e tyre. I pyetur nga BBC nëse dy helikopterët ishin përplasur me njëri-tjetrin, zëdhënësi tha se "nuk ishte në gjendje të konfirmonte specifikat në këtë moment".

 

Të fundit