Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

“Rusët po dorëzohen”/ Ukraina përparon në fushëbetejë, Zelenskyy: Kemi rimarrë 6000 km² tokë

Politiko 13 Shtator 2022, 09:01

“Rusët po dorëzohen”/ Ukraina përparon në

Presidenti ukrainas Volodymyyr Zelenskyy thotë se forcat e vendit të tij tani kanë çliruar më shumë se 6,000 kilometra katrorë nga kontrolli rus gjatë kundërofensivës së fundit që kanë zhvilluar.

Ukrainasit thonë se kanë kapur gjithashtu kaq shumë robër lufte rusë, saqë po u mungon hapësira për t'i akomoduar, pasi trupat po dorëzoheshin masivisht pasi "ata e kuptojnë që s’kanë shpresë", tha një zëdhënës i inteligjencës ushtarake ukrainase.

Presidenti Zelenskyy deklaroi se "që nga fillimi i shtatorit, ushtarët tanë kanë çliruar tashmë 6,000 kilometra katrorë të territorit ukrainas në lindje dhe jug dhe ne po vazhdojmë të përparojmë".

Kjo është një rritje nga shifrat e nxjerra të dielën, kur Kievi pretendoi se vetëm 3,000 kilometra katrorë ishin rimarrë.

Flamujt ukrainas blu-verdhë valëviteshin mbi qytetet e sapoçliruara. Ushtria ukrainase tha se kishte liruar më shumë se 20 vendbanime në 24 orë. Tani ekipet ukrainase po çarmatosin minat tokësore dhe armët e tjera të pashpërthyera në zonat e çliruara dhe po kërkojnë për trupat ruse të mbetura, thanë zyrtarët. Nuk ishte ende e qartë nëse sulmi ukrainas mund të sinjalizonte një pikë kthese në luftë.

Burimi: Euronews

Të fundit