Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Rusia ka një sistem të ri pagese të borxhit të jashtëm

Politiko 30 Maj 2022, 17:33

Rusia ka një sistem të ri pagese të borxhit të jashtëm

Rusia thotë se mund të përdorë një marrëveshje të ngjashme me atë të përdorur për pagesat për furnizimet e saj me gaz për të paguar borxhet e saj të jashtme në dollarë.

E përditshmja Vedomosti citoi të hënën Ministrin e Financave Anton Siluanov të ketë thënë se Rusia do t'u ofrojë mbajtësve të detyrimeve të saj në eurobono një sistem pagese duke anashkaluar infrastrukturën financiare perëndimore.

Rusia më parë u ka kërkuar klientëve të gazit natyror të krijojnë një llogari në dollarë ose euro në Gazprombank, pastaj një llogari të dytë në rubla. Importuesi paguante faturën e gazit në euro ose dollarë dhe drejtonte bankën për të shkëmbyer paratë me rubla.

Sistemi synon të shmangë rrezikun e ngrirjes së pagesave për gazin si pjesë e sanksioneve perëndimore kundër Rusisë për veprimet e saj në Ukrainë.

Siluanov i tha Vedomostit se një mekanizëm i ngjashëm do të vendoset për mbajtësit e eurobonove, me një ofertë për të hapur llogari në valutë dhe rubla në një bankë ruse.

“Në pagesat për gazin, ne jemi të kredituar me valutë të huaj dhe ato janë konvertuar në rubla,” citohet të ketë thënë Siluanov. “Mekanizmi i shlyerjes së eurobondit do të funksionojë në të njëjtën mënyrë.”

Të fundit