Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Rusia shpall fundin e fushatës së mobilizimit në Ukrainë, SHBA-ja dërgon më shumë armë

Politiko 29 Tetor 2022, 10:42

Rusia shpall fundin e fushatës së mobilizimit në Ukrainë,

Rusia njoftoi se ka përfunduar procesin e rekrutimit të rezervistëve për luftën në Ukrainë, pasi mobilizoi qindra mijëra njerëz gjatë një muaji, me më shumë se një të katërtën e tyre tashmë të dërguar në fushën e betejës.

Ndërkohë, Shtetet e Bashkuara njoftuan se do të dërgojnë 275 milionë dollarë të tjera ndihmë ushtarake për Ukrainën, duke përfshirë armë, municione dhe pajisje nga inventarët e Pentagonit, duke e çuar ndihmën ushtarake të SHBA për vendin nën administrimin e Biden në më shumë se 18.5 miliardë dollarë, shkruan Reuters.

Sekretari amerikan i Shtetit, Antony Blinken tha se Uashingtoni po punonte për t'i ofruar Ukrainës aftësitë e mbrojtjes ajrore që i nevojiten, me dy NASAMS fillestare të sofistikuara kundërajrore të gatshme për dorëzim në vend muajin e ardhshëm.

Ndërkohë, Presidenti i Ukrainës, Volodymyr Zelenskiy, tha se dyshonte se Moska kishte përfunduar me thirrjen e ushtarëve.

Lëvizja e mobilizimit ka bërë që dhjetëra mijëra burra të ikin nga vendi dhe kanë shkaktuar protestat e para të qëndrueshme publike kundër luftës.

Mobilizimi që Putin urdhëroi muajin e kaluar pasi forcat e tij pësuan pengesa të mëdha në fushën e betejës ishte hera e parë që shumica e rusëve u përballën me një ndikim të drejtpërdrejtë personal nga "operacioni special ushtarak" që ai filloi në shkurt.

Më shumë se 2,000 njerëz u arrestuan në protestat kundër mobilizimit, veçanërisht në pjesë të Rusisë të populluara nga pakicat etnike, të cilët u ankuan se po synoheshin në mënyrë disproporcionale për t'u dërguar në front.

Të fundit