Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Rusia tërheq disa trupa nga kufiri me Ukrainën: Propaganda e Perëndimit u shkatërrua pa plumba

Politiko 15 Shkurt 2022, 10:38
Rusia tërheq disa trupa nga kufiri me Ukrainën: Propaganda e
Foto Ilustruese

Rusia ka tërhequr disa nga trupat ushtarakë të vendosur në kufi me Ukrainën, pas paralajmërimit se 16 shkurti do të shënonte fillimin e luftës ruso-ukrainase.

The Guardian raporton se ka qenë ministri i Mbrojtjes Igor Konoshenkov, i cili njoftoi tërheqjen e një pjese të ushtarëve, teksa nuk ka ende një numër të saktë.

“Njësitë e Distrikteve Ushtarake Jugore dhe Perëndimore, të cilat kanë kryer misionet e tyre, po hipin në trena dhe kamionë dhe do të nisen për në garnizonet e tyre më vonë sot”, mësohet të ketë thënë Konoshenkov në deklaratë.

Rusia ka njoftuar më parë përfundimin e stërvitjeve ushtarake pranë kufirit ukrainas, por mediat sociale dhe fotografitë satelitore të bëra në ditët në vijim nuk kanë treguar ndryshime të konsiderueshme në qëndrimin e forcës së Rusisë.

Dhe shumë prej trupave të vendosura afër kufirit ukrainas nuk janë të përfshirë në asnjë trajnim formal. Rusia po zhvillon stërvitje të mëdha të përbashkëta me Bjellorusinë, të planifikuara për të përfunduar më 20 shkurt.

Vendet perëndimore kanë paralajmëruar se ato stërvitje mund të përdoren si mbulesë për t'u përgatitur për një sulm në Ukrainë, ndërsa Rusia ka thënë se ato trupa do të kthehen në bazë pasi të kenë përfunduar stërvitjet.

Zyrtarët e qeverisë ruse lëvizën shpejt për të akuzuar Perëndimin për histeri dhe argumentuan se tërheqja e trupave tregoi se paralajmërimet e NATO-s për një pushtim ishin të rreme.

“15 shkurti 2022 do të hyjë në histori si dita kur propaganda e luftës perëndimore dështoi”, shkroi Maria Zakharova, zëdhënësja e Ministrisë së Jashtme ruse, në një postim në Facebook pas njoftimit. "Ata janë turpëruar dhe shkatërruar pa u gjuajtur asnjë e shtënë."

Presidenti ukrainas Volodymyr Zelensky doli me një deklaratë para kombit të tij duke u shprehur se 16 shkurti do të shënonte një ditë bashkimi dhe se ukrainasit nuk do të dorëzoheshin dhe as te tradhtonin dëshmorët e luftës.

Të fundit