Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

Bota

Sabotim nga Rusia? Rrjedhjet e tubacionit Nordstream shfaqen në Detin e Zi

Politiko 28 Shtator 2022, 10:22

Disa të çara në tubacionin e gazit natyror Nord Stream në pjesën e Detit Balltik dyshohet se janë akte sabotazhi.

“Rrjedhjet po hetohen. Ka njoftime fillestare se mund të jenë rezultat i ndonjë sulmi ose ndonjë lloj sabotazhi”, u tha të martën gazetarëve Sekretari i Shtetit, Antony Blinken. “Por, nëse konfirmohet, kjo sigurisht që nuk është në interesin e askujt”.

“Nuk do të spekulloj mbi shkakun” e rrjedhjeve, u përgjigj Sekretarja e Shtypit e Shtëpisë së Bardhë, Karine Jean-Pierre, kur u pyet për incidentin, duke shtuar se nuk kishte informacion nëse Shteteve të Bashkuara u është kërkuar nga zyrtarët evropianë që të ndihmojnë për të përcaktuar shkakun e çarjeve.

Tubacioni Nord Stream 1, me gjatësi prej 1,222 kilometrash, ka qenë deri rishtazi një burim kryesor furnizimi me gaz për Gjermaninë. Tubacioni Nord Stream 2, i cili është 1,234 kilometra i gjatë, ende nuk ka filluar funksionimin me baza komerciale.

"Kemi hartuar një raport dhe klasifikimi i krimit është sabotim madhor", tha policia kombëtare suedeze të martën, duke njoftuar një hetim paraprak për sabotimin e mundshëm të tubacionit Nord Stream 1.

"Ka tre rrjedhje, dhe për këtë arsye është e vështirë të imagjinohet se mund të jetë aksidentale", tha Kryeministrja daneze Mette Frederiksen të martën.

"E shohim qartë se ky është një akt sabotimi -- një akt që ka të ngjarë të thotë një hap i mëtejshëm i përshkallëzimit të situatës në Ukrainë", tha Kryeministri polak Mateusz Morawiecki.

Frederkisen dhe Morawiecki folën në Gloeniow në Poloni në ceremoninë e hapjes së Baltic Pipe, pjesë e një plani polak për të reduktuar varësinë e saj energjetike nga Rusia. Linja do të lidhë Poloninë me fushat e gazit norvegjez përmes Danimarkës.

Vendet evropiane po përpiqen të identifikojnë shkakun e rrjedhjeve të pashpjegueshme në dy gazsjellës rusë që kalojnë nën Detin Baltik pranë Suedisë dhe Danimarkës.

Rusia, që e ka ndërtuar rrjetin e tubacioneve, tha se nuk mund të përjashtohet mundësia e sabotimit, por Komisioni Evropian tha të martën se është e parakohshme të spekulohet mbi shkakun./ VOA