Flash News

Plagosja e djeshme në Durrës, 36-vjeçari ishte me dy të mitur në makinë kur u qëllua

AMP arreston në flagrancë dy punonjës policie dhe pezullon nga detyra një tjetër

Alarmi për bombë në një hotel në Tiranë, çfarë zbuloi policia

Video/ Alarmi për bombë në parkingun e një hoteli në Tiranë, reagon policia

Të shtëna me armë zjarri në Durrës, një i plagosur

E-TJERA

Integrimi i Shqipërisë dhe RMV-së ‘ngec’ sërish, samiti i Sllovenisë nuk cakton afat për zgjerimin

Politiko 6 Tetor 2021, 15:17

Integrimi i Shqipërisë dhe RMV-së ‘ngec’ sërish,

Ka përfunduar Samiti Bashkimi Evropian-Ballkani Perëndimor në Slloveni. kryeministri i Sllovenisë Janez Jansha tha se pavarësisht përpjekjeve nuk u arrit një afat për zgjerimin e Ballkanit Perëndimor drejt BE-së.

Jansha theksoi se fillimisht vendet duhet të mbyllin çështjet dhe konfliktet që kanë mes tyre për të vijuar rrugën drejt integrimit në familjen evropiane.

“Pas debatit , do të donim një afat për zgjerimin por nuk arritëm. Duhet të jenë procese efikase dhe të zgjidhen çështjet e hapura si ajo mes Kosovës dhe Serbisë, Maqedonisë së Veriut dhe Bullgarisë, proceset ne negocim e sipër duhet të vazhdojnë, shpresojmë të ketë një zgjidhje që të ecim para. Korniza e zgjerimit duhet të jetë përtej kësaj, me çështje të cilat duhet të zgjidhen dhe nëse nuk bëhen do kemi çështje të tjera dhe kjo do të çojë vetëm në zgjidhje të përkohshme. Prandaj këto procese duhet të ecin paralelisht, për këtë është angazhuar BE që në 2003 që të mos kemi më probleme,” ka thënë kryeministri slloven.

Nga ana tjetër, presidentja e Komisionit Evropian Ursula Von der Leyen tha se Bashkimi Evropian nuk i është i plotë pa Ballkanin Perëndimor në të. Ajo i bëri thirrje edhe njëherë Maqedonisë së Veriut dhe Bullgarisë të zgjidhin ngërçet mes tyre në mënyrë që t’i hapet rruga çeljes së negociatave edhe për Shqipërinë.

“Do doja të reflektoja për samitin e Ballkanit Perëndimor. Mesazhi është shumë i qartë, ndajmë të njëjtën histori, kemi të njëjtat interesa dhe të njëjtat vlera. BE nuk është i plotësuar pa Ballkanin Perëndimor, ndaj do të vazhdojmë punën për të avancuar në procesin e zgjerimit të BE. Qëllimi ynë është zgjerimi. Plani ekonomik është shumë i rëndësishëm dhe është në qendër të angazhimit tonë në rajon. Kemi një plan të madh, me 30 miliardë euro për rajonin. Duhet një treg i përbashkët rajonal. Javën e kaluar kam udhëtuar në 6 vendet e Ballkanit Perëndimor dhe kem diskutuar për këtë çështje. Ndjeva padurimin e popujve nga zgjatja e procesit të zgjerimit, pasi dëshira e tyre është që të jenë pjesë e BE. Sa i përket reformave, është e qartë se partnerët tanë në Ballkanin Perëndimor po ndërmarrin reforma të rëndësishme, është bërë shumë progres dhe është i dukshëm. Duhet të theksojmë reformat, luftën ndaj korrupsionit, krimit të organizuar, lirisë së medias dhe zhvillimin ekonomik. Por, edhe BE duhet të bëjë më shumë. Ka treguar mungesa në procesin e hapjes së negociatave me Shqipërinë dhe RMV. Duhet të ecim përpara në këtë proces, ta qartësojmë. Po bëhet një punë intensive nga Komisioni Evropian për çështjet kryesore, që është edhe çështja bilaterale mes RMV dhe Bullgarisë. Shpresoj që ata ta zgjidhin sa më shpejt këtë problem dhe të ecin përpara. Kemi diskutuar në samit dialogun,” tha Von der Leyen.

Të fundit