Bota

"S'do të lejojmë që Kanali të kthehet në varrezë"/ 27 refugjatë u mbytën, Franca dhe Britania zotohen të frenojnë emigrimin

"S'do të lejojmë që Kanali të kthehet në

Franca dhe Britania e Madhe u zotuan të rrisin bashkëpunimin për të ndaluar kalimet ilegale, pasi të paktën 27 emigrantë humbën jetën në brigjet e Calais ditën e djeshme.

Autoriteti rajonal detar, i cili mbikëqyr operacionet e shpëtimit, tha se 27 trupa u gjetën të pajetë, dy persona mbijetuan dhe katër të tjerë ende nuk janë gjetur.

Aksidenti shënon humbjen më të madhe të jetëve gjatë tentativës për kalime të paligjshme të Kanalit, sipas IOM. Kjo vjen pasi një numër rekord emigrantësh kanë tentuar të kalojnë nga Franca në Mbretërinë e Bashkuar këtë vit.

Duke folur për gazetarët, kryeministri britanik Boris Johnson tha se ishte "i tronditur dhe thellësisht i pikëlluar" nga tragjedia. Ai gjithashtu deklaroi se donte të "bënte më shumë" me Francën për të dekurajuar kalimet e paligjshme.

Johnson po mbante një takim të komitetit qeveritar të krizës, COBRA, në përgjigje të tragjedisë së kanalit, tha zyra e tij.

Presidenti francez Emmanuel Macron tha të mërkurën në mbrëmje se "Franca nuk do të lejojë që Kanali të kthehet një varrezë", duke bërë thirrje për "përforcime të menjëhershme" për Frontex dhe një takim urgjent evropian.

Macron i tha Johnson-it se pret bashkëpunim të plotë nga britanikët dhe se ata nuk e përdorin situatën tragjike "për qëllime politike", tha Elysee.

Një operacion i përbashkët francezo-britanik për kërkimin e të mbijetuarve ishte ende duke u zhvilluar të mërkurën në mbrëmje. Rreth 22,000 njerëz kanë arritur në Mbretërinë e Bashkuar me varka të vogla këtë vit, më shumë se dyfishi i numrit në vitin 2020.

Qeveria britanike ka rënë dakord t'i paguajë Francës 62.7 milionë euro për të rritur sigurinë në bregdetin e saj verior, por thotë se situata mbetet "e papranueshme".

Burimi: Euronews

 

Të fundit