Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Sekretari britanik i Mbrojtjes: Putin është një nacionalist etnik

Politiko 28 Prill 2022, 09:45

Sekretari britanik i Mbrojtjes: Putin është një nacionalist etnik

Sekretari britanik i Mbrojtjes Ben Wallace ka folur sërish për luftën në Ukainë. I pyetur nga Sky News nëse Vladimir Putin mund ta zgjasë luftën përtej Ukrainës, Wallace thotë se presidenti rus "i ka pasur gjithmonë këto ambicie" për të pushtuar vendin e tij fqinj dhe është një "nacionalist etnik".

Sekretari i mbrojtjes beson se Putin po përpiqet "pothuajse i dëshpëruar" të "zgjerojë" konfliktin me kërcënime ose sulme të mundshme me flamur të rremë në rajonin separatist moldav të Transnistrisë.

Ne ende nuk i dimë detajet e sulmeve në Transnistria apo kush qëndron pas tyre, thotë ai, por nëse do të ishte Rusia, atëherë kjo do të ishte një "gabim strategjik".

Ai shton se Putin tani mund të "kërkojë të konsolidojë atë që ka". Aleatët perëndimorë duhet të "ndihmojnë të heqin kufirin" dhe të lejojnë Ukrainën të shtyjë forcat ruse, deklaroi Wallace.

Ai thekson se Mbretëria e Bashkuar mund të mbështesë Ukrainën në përpjekje për të rimarrë territorin e saj në Krime, e cila u aneksua nga Rusia në 2014.

Wallace thotë se Mbretëria e Bashkuar do të "mbështeste integritetin sovran të Ukrainës - që sigurisht përfshin Krimenë", por "së pari le ta nxjerrim Rusinë nga vendi ku janë tani".

Të fundit