Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Shërbimi Sekret Amerikan merr në mbrojtje Joe Biden, pritet të deklarojë fitoren

Politiko 6 Nëntor 2020, 13:21

Shërbimi Sekret Amerikan merr në mbrojtje Joe Biden, pritet të

Shërbimi Sekret Amerikan ka dërguar agjentë shtesë në Delaware për të rritur mbrojtjen rreth Joe Biden pasi fushata për kandidatin demokrat vuri në dukje se ai mund të mbaj një fjalim madhor ditën e sotme nëse shpallet President i SHBA.

Megjithëse Shërbimi Sekret nuk i diskuton publikisht rregullat e tij të sigurisë për presidentin ose kandidatët që mbron, dhjetëra agjentë aktualisht po ofrojnë siguri për fushatën e Biden në qendrën Chase në zonën e kongreseve Riverfront në Wilmington. 

Sipas Daily Mail, në të kaluarën, fituesi i natës së zgjedhjeve normalisht do të merrte mbrojtje të shtuar të sigurisë atë natë, megjithatë vonesat e përjetuara këtë vit do të thotë që detajet e reja të sigurisë nuk janë caktuar ende.

Nëse Biden deklarohet përfundimisht si fitues, por Trump ende refuzon të pranojë, ekipit të Shërbimit Sekret mund t'i thuhet të presë deri në mes të dhjetorit kur kolegji elektoral të mblidhet para se ta trajtojë Biden si presidentin e zgjedhur sipas Washington Post.
Në vitin 2000, gjatë garës presidenciale midis republikanit George Bush dhe nënkryetarit të atëhershëm Al Gore, për 36 ditë nuk kishte asnjë president të zgjedhur zyrtar.

Të dy palët u përfshinë në një rinumërim të votave në Florida përpara se Gjykata e Lartë të merrte më në fund një vendim dhe shërbimi Sekret vendosi t'i mbajë gjërat njësoj.

Më herët të enjten, në një adresë në qytetin e tij të lindjes Wilmington, Delaware, Biden u kërkoi amerikanëve të ishin të durueshëm dhe të qetë ndërsa prisnin që fletët e votimit të fundit të numëroheshin.

“Demokracia ndonjëherë është e çrregullt. Ndonjëherë kërkon edhe pak durim”, tha ish-nënkryetari nga skena e teatrit Wilmington të enjten pasdite.

Të fundit