Flash News

Rrugorja e Tiranës me “dorë të hekurt”: 14 të arrestuar në orët e fundit, rreth 6.000 gjoba

Ndërron jetë në moshën 58-vjeçare, Artan Lame

Vrasja e Ermir Dedjas, shpallen në kërkim dy persona, u siguruan mjetin autorëve

Studimi: Ndërtimi i digave sjell pasoja të rënda ekologjike mbi burimin e Vjosës

Gjermania zgjat qëndrimin e trupave të saj në Kosovë

Bota

Shkatërrohet një aeroport/ Forcat ruse i afrohen Kievit, sulmojnë zonat civile. Zelensky: NATO-s i mungon guximi

Politiko 13 Mars 2022, 08:33

Shkatërrohet një aeroport/ Forcat ruse i afrohen Kievit, sulmojnë

Një aeroport në qytetin perëndimor të Ukrainës, Ivano-Frankivsk, është shkatërruar plotësisht nga një sulm ajror rus, tha kryetari i bashkisë së qytetit Ruslan Martsinkiv.

Sipas informacioneve paraprake, nuk ka viktima. Ky është sulmi i tretë në aeroport, tha Martsinkiv. Sulmet ajrore janë përshkallëzuar edhe në një bazë ushtarake pranë qytetit veriperëndimor të Lviv pasi forcat ruse kanë zgjeruar ofensivën e tyre në Ukrainë.

Lviv është një qendër kulturore e Ukrainës dhe qendra historike e qytetit është një vend i Trashëgimisë Botërore të UNESCO-s. Është gjithashtu një pikë kalimi për qytetarët që largohen nga lufta.

Ndërkohë trupat ruse po i afrohen Kievit dhe po shihen shkatërrime të konsiderueshme në qytete dhe qyteza. Pjesa më e madhe e forcave tokësore ruse janë rreth 25 kilometra nga qendra e kryeqytetit ukrainas, tha Ministria e Mbrojtjes e Mbretërisë së Bashkuar në vlerësimin e saj të fundit të inteligjencës.

Qytetet Kharkhiv, Mariupol, Mykolaiv, Dnipro, Chernihiv dhe Sumy janë nën një sulm të vazhdueshëm rus. Në qytetin e rrethuar të Mariupolit, imazhet satelitore treguan dëme dhe zjarre në ndërtesa apartamentesh dhe pika karburanti.

Shtatë civilë, përfshirë gra dhe një fëmijë u vranë nga trupat ruse ndërsa përpiqeshin të largoheshin nga fshati Peremoga, në rajonin e Kievit, sipas Ministrisë së Mbrojtjes të Ukrainës. Zelensky tha se 12,729 ukrainas u evakuuan me sukses të shtunën.

Ai shtoi se vendi i tij është më i bashkuar se kurrë, por sheh një "mungesë guximi nga anëtarët e NATO-s për t'u bashkuar për Ukrainën”.

Presidenti ukrainas Volodymyr Zelensky tha se ai ishte mirënjohës për mbështetjen ndërkombëtare dhe iu lut aleatëve për më shumë ndihmë.

“Unë vazhdoj t'u përsëris aleatëve dhe miqve tanë jashtë vendit; ata duhet të vazhdojnë të bëjnë më shumë për vendin tonë, për ukrainasit dhe Ukrainën. Sepse nuk është vetëm për Ukrainën, por është për të gjithë Evropën”, tha ai.

Burimi: CNN

Të fundit