Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Shkon në 162 numri i viktimave nga tërmeti në Indonezi, si paraqitet situata

Politiko 22 Nëntor 2022, 08:48

Shkon në 162 numri i viktimave nga tërmeti në Indonezi, si

Ka shkuar në 162 numri i viktimave nga tërmeti i fuqishëm që goditi Indonezinë, ndërsa ekipet e shpëtimit vijojnë operacionin për gjetjen e trupave nën rrënoja.

Ndërkohë spitalet e ishullit Java, epiqëndra e tërmetit, janë mbingarkuar nga qindra të plagosur.

Tërmeti me magnitudë 5.6 ballë e goditi Indonezinë një ditë më parë. Në fshatin Cijedil, në veriperëndim të Cianjur, tërmeti shkaktoi një rrëshqitje dheu që bllokoi rrugët dhe fundosi disa shtëpi.

Presidenti Joko Ëidodo vizitoi të martën Cianjur për të siguruar njerëzit për reagimin e qeverisë për t’i ndihmuar ata.

“Në emrin tim dhe në emër të qeverisë, dëshiroj të shpreh ngushëllimet e mia të thella për viktimat dhe familjet e tyre në këtë tërmet në Cianjur,” tha ai pasi vizitoi të mbijetuarit.

Ai u zotua të rindërtojë infrastrukturën, duke përfshirë urën kryesore që lidh Cianjur-in me qytetet e tjera dhe të sigurojë ndihmën e qeverisë deri në 50 milionë rupiah (3,180 dollarë) për çdo banor, shtëpia e të cilit është dëmtuar.

Rreth 175,000 njerëz jetojnë në Cianjur, pjesë e një distrikti malor me të njëjtin emër me më shumë se 2.5 milionë banorë. Të njohur për devotshmërinë e tyre, njerëzit e Cianjurit jetojnë kryesisht në qytete me ndërtesa një dhe dykatëshe dhe në shtëpi më të vogla në fshatrat përreth.

Burimi: AP

Të fundit