Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Shpallën të vdekur presidentin Erdogan, Turqia nis hetimet për 30 persona

Politiko 4 Nëntor 2021, 10:33

Shpallën të vdekur presidentin Erdogan, Turqia nis hetimet për 30

Turqia ka nisur hetimet për 30 persona të cilët nxitën spekulime për shëndetin e presidentit turk Recep Tayyip Erdogan. Sipas Euronews, të dyshuarit po ndiqen penalisht pas postimeve në Twitter të cilat mbanin të shkruar hashtag-un “i vdekur”.

Sipas autoriteteve, individët ndaj të cilëve është regjistruar procedim penal, kishin shpërndarë dezinformim dhe përmbajtje manipuluese.

“Janë identifikuar 30 persona dhe ndaj tyre kanë nisur procedurat e nevojshme ligjore. Për postimet që përmbajnë gënjeshtra, të pabaza dhe dezinformata, kryhen hetime të nevojshme dhe i dërgohen organeve të drejtësisë”, raportojnë autoritetet.

Avokatët e Erdoganit kanë paraqitur gjithashtu një ankesë në zyrën e kryeprokurorit të Ankarasë. Ditët e fundit janë shtuar spekulimet për shëndetin e Erdoganit, pasi së fundmi ai u fotografua me vështirësi në ecje.

Erdogan, i cili ka qenë në pushtet për gati dy dekada, iu nënshtrua një operacioni serioz në zorrë në vitin 2011. Dalja e tij më e fundit publike ishte në samitin e G20 të së dielës në Romë, ku Presidenti turk u takua me Presidentin e SHBA Joe Biden.

Erdogan anuloi paraqitjen e tij në konferencën COP26 të OKB-së për klimën në Glasgow të hënën, duke përmendur arsye sigurie.

Të fundit