Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

“S’kemi armë mjaftueshëm”, Zelensky: Ka dy rrugë për të shpëtuar Mariupolin

Politiko 21 Prill 2022, 08:34

“S’kemi armë mjaftueshëm”, Zelensky: Ka dy

Trupat ruse po sulmojnë ashpër qytetin port, Mariupolin, ndërsa presidenti ukrainas Volodymyr Zelensky ka paralajmëruar se forcat e tij nuk kanë mjaftueshëm armë "serioze dhe të rënda". Rreth 120,000 njerëz mbeten të bllokuar në qytet, tha ai.

Ai tha se kishte dy rrugë për t'i dhënë fund bllokimit në qytet: “E para përfshin armë serioze dhe të rënda. Rruga e dytë është diplomatike. Deri më tani Rusia nuk është pajtuar me këtë”.

Dy zyrtarë të lartë ukrainas thanë se janë gati të shkojnë në Mariupol për të negociuar evakuimin e ushtarëve dhe civilëve, tha kapiteni Svyatoslav Palamar i Regjimentit Azov të Ukrainës.

Një korridor evakuimi nga qyteti "nuk funksionoi siç ishte planifikuar" të mërkurën, tha zëvendëskryeministrja e Ukrainës.

Forcat ruse në rajonin Luhansk të Ukrainës kanë marrë Rubizhne qendrore dhe fshatin e afërt të Kreminës. Ndërsa Forcat Ajrore të Ukrainës kanë shtuar rreth 20 avionë operacionalë në flotën e saj për shkak të një fluksi të pjesëve rezervë, tha një zyrtar i lartë i mbrojtjes amerikane.

Pa specifikuar se cili vend i ka siguruar pjesët, zyrtari tha se SHBA dhe vendet e tjera kanë punuar "për t'u marrë pjesët që u nevojiten për t'i nxjerrë ato në ajër".

Ministria ruse e mbrojtjes tha se kishte kryer një lëshim provë të raketës së saj balistike ndërkontinentale Sarmat. Raketa u hodh nga rajoni Arkhangelsk i Rusisë veriore drejt vendit të testimit Kura në lindjen e largët të Rusisë.

Burimi: CNN

 

Të fundit