Flash News

9 muaj pasi mori detyrën, dorëhiqet Shefi i Gardës, Ermal Onuzi

Thyen arrestin, vjedh makinë dhe arratiset si në film, kapet hajduti serial nga Tirana!

Emri/ Mashtroi klientët dhe i mori paratë, shpallet në kërkim avokatja

Goditet grupi kriminal, trafikonte d*ogë nga Spanja drejt Finlandës, ‘kokat’ e grupit ishin shqiptarë

Shpëtoi nga mbytja në Durrës, flet 31-vjeçarja angleze: U përmbysëm në çast, shoku im mbeti poshtë mjetit

Bota

Skena rrëqethëse në Gaza, gruaja shpërthen në lot ndërsa përpiqet të mbledhë miell nga toka (VIDEO)

Politiko 2 Qershor 2025, 17:37

Skena rrëqethëse në Gaza, gruaja shpërthen në lot

Një video e publikuar nga CNN ka sjellë një pamje tronditëse nga Khan Younis, në Rripin e Gazës, ku një grua palestineze shpërthen në lot dhe ulërima ndërsa përpiqet të mbledhë miellin e derdhur në tokë gjatë transportimit të ndihmave.

"Po na lini të vdesim nga uria. Zoti ka ushqim për të gjithë, por ju na latë të vdesim urie," thotë ajo mes dëshpërimit, teksa përpiqet të mbushë një qese me miellin e përlyer në rrugë.

Së bashku me të, edhe shumë banorë të tjerë iu drejtuan vendit ku ishin rrëzuar thasët me miell, një skenë që ilustron krizën e thellë humanitare në të cilën ndodhet Gaza, si pasojë e bllokadës ushtarake të vendosur nga Izraeli.

OKB dhe agjencitë humanitare kanë paralajmëruar për rrezikun e një urie masive nëse nuk garantohet kalimi i lirë dhe i sigurt i ndihmave. Megjithëse Izraeli ka deklaruar se ka lehtësuar pjesërisht bllokadën, ndihma e mbërritur është e pamjaftueshme për të përballuar nevojat urgjente të popullatës.

Situata është përshkallëzuar edhe më tej pas sulmit të fundit me tank në një qendër ndihme në Gaza, ku sipas Spitalit të Kryqit të Kuq në Rafah, të paktën 32 persona janë vrarë dhe rreth 150 të tjerë janë plagosur. Ministria e Shëndetësisë në Gaza ka akuzuar ushtrinë izraelite për këtë akt, ndërsa dëshmitarë kanë raportuar gjithashtu për të shtëna nga personeli lokal i sigurisë. Në anën tjetër, Forcat Mbrojtëse të Izraelit (IDF) kanë mohuar përfshirjen dhe i kanë quajtur akuzat “raportime të rreme”.

Ndërkohë, Fondacioni Humanitar i Gazës (GHF), një organizatë e re jofitimprurëse, ka nisur shpërndarjen e ndihmave, duke ofruar mijëra vakte për banorët. Megjithatë, çdo përpjekje për të ndihmuar shoqërohet me kaos, përleshje dhe, shpeshherë, viktima.

Pamjet që vijnë nga Gaza janë një dëshmi e qartë e pasojave katastrofike të bllokadës mbi civilët, ndërsa komuniteti ndërkombëtar vijon të bëjë thirrje për ndihmë urgjente dhe zgjidhje afatgjatë për popullsinë e zhytur në mjerim.

Të fundit