Stoltenberg: Finlanda dhe Suedia mund t’i bashkohen shpejt NATO-s

Shefi i NATO-s ka thënë se Finlanda dhe Suedia mund t'i bashkohen aleancës ushtarake prej 30 vendesh "shpejt" pasi sondazhet tregojnë se të dyja vendet po afrohen drejt anëtarësimit.

“Është vendimi i tyre”, tha të enjten Sekretari i Përgjithshëm i NATO-s, Jens Stoltenberg. “Por nëse vendosin të aplikojnë, Finlanda dhe Suedia do të mirëpriten ngrohtësisht dhe unë pres që procesi të shkojë shpejt.”

Deklarata e Stoltenberg vijnë pasi mbështetja publike në Finlandë dhe Suedi për anëtarësimin në NATO ka arritur nivele rekord, me spekulime në rritje se dyshja mund të aplikojnë në maj.

Sondazhet kanë evidentuar se shumica e suedezëve dhe finlandezëve janë aktualisht në favor të bashkimit me aleancën ushtarake, ndërsa pushtimi i Ukrainës nga Rusia nxit mbështetjen e publikut.

Të dy vendet kanë një histori të gjatë mos-angazhimi dhe neutraliteti ndaj Rusisë, megjithëse kanë luftuar me vendin në shekujt e kaluar.

“Të gjithë besojnë se Ukraina mund ta fitojë luftën”, thotë sekretari i mbrojtjes i SHBA-së në bisedimet NATO-BE

Stoltenberg garanton mbrojtje nga kërcënimet

Sekretari i Përgjithshëm nuk dha një kornizë të saktë kohore për anëtarësimin nëse vendet skandinave do të aplikonin.

Por Stoltenberg tha se NATO do të ofronte një formë mbrojtjeje nëse Rusia përpiqet t'i frikësojë ato. Rusia ka paralajmëruar më parë për vendosjen bërthamore nëse Suedia dhe Finlanda i bashkohen organizatës ushtarake të udhëhequr nga SHBA, duke thënë se do të detyrohet të forcojë mbrojtjen e saj në rajon.

Presidenti rus Vladimir Putin ka kërkuar prej kohësh që NATO të ndalojë zgjerimin dhe se duhet të tërheqë trupat e saj nga kufijtë e Rusisë.

Në vitin 2017, 21% e finlandezëve ishin në favor të anëtarësimit në NATO. Sidoqoftë, në mars 2022, një sondazh zbuloi se kjo ishte rritur në rreth 62%.

Finlanda, e cila ndan një kufi prej 1,340 kilometrash me Rusinë, ka zhvilluar disa luftëra kundër fqinjit të saj lindor, duke luftuar Bashkimin Sovjetik nga 1939-40 dhe 1941-44.

Finlanda dhe Suedia kanë ushtri të avancuara dhe kapacitete mbrojtëse që do të sillnin aftësi dhe ekspertizë të konsiderueshme në NATO.

Të dy konsiderohen gjerësisht si ofruesit kryesorë të sigurisë në Evropë.

E themeluar në vitin 1949, NATO është një garanci kolektive e sigurisë që përfshin SHBA-në, Kanadanë dhe një numër vendesh evropiane, e cila siguron që të gjithë anëtarët duhet t'i vijnë në ndihmë një aleati nëse ai sulmohet.

Burimi: Euronews