Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Stuhia “Eunice” godet Britaninë dhe Evropën Veriore, regjistrohen 16 viktima

Politiko 21 Shkurt 2022, 12:31

Stuhia “Eunice” godet Britaninë dhe Evropën Veriore,

Pjesa më e madhe e vendeve të Evropës Veriperëndimore është goditur nga stuhia “Eunice” të dielën. Stuhi përfshiu fillimisht ishujt britanikë duke shkaktuar dëme të mëdha dhe disa viktima.

Euronews raporton se të paktën 16 viktima janë shënuar në Evropë vetëm në 24 orë: katër në Holandë, katër në Poloni, tre në Angli, dy në Gjermani, dy në Belgjikë dhe një në Irlandë. Shumë prej tyre janë shkaktuar nga rënia e pemëve mbi automjete.

Pasi goditi Irlandën, stuhia u zhvendos drejt Mbretërisë së Bashkuar, për të vijuar më pas me Francën Veriore, vendet e Beneluksit dhe Gjermaninë dhe Danimarkën.

Stuhia goditi një pjesë të madhe të Gjermanisë veriore, ku u shpall gjendja e alarmit të kuq. Më shumë se 1,000 kilometra linja hekurudhore u dëmtuan.

Në Hagë të Holandës dhjetëra shtëpi u evakuuan nga frika se kulla e kambanës së një kishe mund të shembet. Rrjeti hekurudhor holandez u ndërpre dhe lidhjet Thalys Amsterdam-Bruksel po ashtu.

Në Belgjikë, shumica e linjave ishin në funksion të shtunën pas punëve të mëdha riparimi gjatë natës.

Në veri të Francës, u regjistruan rreth tridhjetë lëndime, në aksidente rrugore të lidhura me erën, rëniet ose për shkak të rënies së materialeve. Rreth 37,000 shtëpi mbetën pa energji të shtunën në mëngjes dhe disa lidhje hekurudhore rajonale u ndërprenë.

Të fundit