Flash News
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
Vrasjet në Francë shkaktojnë protesta në Bangladesh kundër presidentit Macron
Dhjetëra mijëra myslimanë protestuan në Bangladesh ditën e sotme pasi vrasjet nga një emigrant tunizian në katedralen franceze nxitën një zotim nga presidenti Macron për të mbajtur qëndrim kundër sulmeve ndaj vlerave të vendit të tij dhe lirisë së besimit.
Ata bënin thirrje për bojkotin e produkteve franceze dhe denoncimin e presidentit francez Emmanuel Macron për komentet e tij mbi karikaturat e Profetit Muhamed, në Daka, Bangladesh, shkruan REUTERS.
Franca, “shtëpia” e komunitetit më të madh mysliman të Evropës, ishte e përfshirë në një luftë kundër ideologjisë islamike dhe sulme më luftarake ishin të mundshme, paralajmëroi ministri i brendshëm Gerald Damarnin.
Protestuesit që marshonin nëpër rrugët e Daka, kryeqytetit të Bangladeshit me shumicë myslimane, brohorisnin "Bojkotoni produktet franceze" dhe mbanin parulla që e quanin Macron “terroristin më të madh në botë".
"Macron po udhëheq Islamofobinë. Ai nuk e di fuqinë e Islamit. Bota muslimane nuk do ta lejojë këtë të shkojë kot. Ne do të ngrihemi dhe do të solidarizohemi kundër tij”,tha demonstruesi Akramul Haq.
Franca ngriti alarmin e saj të sigurisë në nivelin më të lartë të Enjten pasi një burrë me thikë që thërriste "Allahu akbar" (Zoti është më i Madhi) i preu kokën një gruaje në një kishë dhe vrau dy persona të tjerë para se të qëllohej nga policia.
Një 47-vjeçar është marrë në paraburgim të enjten në mbrëmje nën dyshimin se kishte bashkëpunuar me autorin e sulmit.
Disa udhëheqës në Azi shprehën mbështetjen për Francën pas sulmeve të së enjtes.
Është thjesht akti më i pashpirt dhe frikacak dhe terroristët duhet të dënohen në mënyrën më të fortë të mundshme", tha kryeministri australian Scott Morrison.
Kryeministri indian Narendra Modi gjithashtu shprehu mbështetje për pozicionin e Macron dhe dënoi dhunën.
"Unë dënoj me forcë sulmet e fundit terroriste në Francë," tha Modi në Twitter të enjten. "India qëndron me Francën në luftën kundër terrorizmit."
Sulmi i së enjtes erdhi më pak se dy javë pasi një mësuesi të shkollës së mesme në një periferi të Parisit iu pre koka nga një sulmues 18-vjeçar, i cili me sa duket u zemërua që mësuesi kishte treguar një karikaturë të Profetit Muhamed në klasë.