Flash News

Nuk e lejojnë të kandidojë si i pavarur, Merkuri kallëzon penalisht kreun e degës së PS në Sarandë

Largohet nga radhët e Alibeajt , kandidati i PD-së për këshilltar në Durrës tërhiqet nga gara dhe i bashkohet koalicionit

“Ky despot sot ka në dorë të gjitha pushtetet”, Berisha: Qëllimi i Ramës ishte Shqipëria pa opozitë

Situata e COVID-19 në Shqipëri. Një humbje jete, ja sa të infektuar pati në 24 orët e fundit

Rrëzimi i dy helikopterëve në SHBA: Konfirmohen nëntë të vdekur

Bota

Teksa lufta hyn në muajin e 12-të, qeveria e Zelenskyt nis aksion kundër korrupsionit

Politiko 27 Janar 2023, 11:28

Teksa lufta hyn në muajin e 12-të, qeveria e Zelenskyt nis aksion

Qeveria e Zelenskyt ka nisur aksionin kundër korrupsionit, teksa lufta hyn në muajin e 12-të. Deri më tani 11 zyrtarë kanë dhënë dorëheqjen ose janë shkarkuar ndërsa Kievi përpiqet të trajtojë korrupsionin qeveritar.

Kjo ka bërë që disa politikanë në SHBA të bëjnë thirrje që ndihma për Ukrainën të kufizohet. Presidenti Volodymyr Zelensky po përpiqet të rivendosë shpejt besimin e publikut, por akuzat janë serioze.

Gazetari investigative, Mykhaylo Tkach ka raportuar së fundmi se kompania e një zyrtari të lartë dyshohet se ka marrë miliona paund nga fondet e ndihmës për Ukrainën.

Që kur Ukraina shpalli pavarësinë 31 vjet më parë, korrupsioni ka pllakosur shërbimet e saj publike dhe mbi të gjitha politikën e saj.

Në vitin 2014, një revolucion popullor rrëzoi qeverinë e fundit me prirje nga Moska, sepse njerëzit donin të jetonin më në fund nën një demokraci.

Që atëherë, Ukraina ka tentuar një sërë reformash, veçanërisht të nxitura nga fushata e mëvonshme e agresionit të Rusisë ndaj vendit. Ndryshimi shihej si thelbësor për të siguruar mbështetjen e vazhdueshme të Perëndimit.

Më pas u krijuan agjenci të reja kundër korrupsionit, së bashku me sisteme të reja për shpenzimet e qeverisë, një forcë e re policie dhe politikanët u detyruan të zbulonin pasurinë e tyre.

Përpara pushtimit rus në shkallë të plotë të shkurtit 2022, aleatët perëndimorë si Bashkimi Evropian dhe SHBA nuk ishin të kënaqur me ritmin e përpjekjeve të Kievit për të luftuar korrupsionin.

Ndërsa nuk është e qartë se cili do të jetë dëmi politik i akuzave të vitit 2023 për Presidentin Zelensky, përgjigja e tij ndaj tyre këtë herë është përshkruar si "e shpejtë dhe vendimtare" nga SHBA.

Me më shumë akuza që priten të dalin në sipërfaqe, ai do të shpresojë që mbështetësit e tjerë të ndjehen të njëjtën gjë.

Të fundit