Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Teksa Putin 'godet' Ukrainën, SHBA dhe Rusia bien dakord për bisedime

Politiko 23 Dhjetor 2021, 19:11

Teksa Putin 'godet' Ukrainën, SHBA dhe Rusia bien dakord për

Zyrtarët amerikanë kanë thënë se bisedimet me Rusinë për grumbullimet e trupave rusë në kufi me Ukrainën, pritet të zhvillohen në muajin janar.

Sipas BBC, presidenti Vladimir Putin ka kërkuar garanci të menjëhershme për të ardhmen e NATO-s për të zbutur krizën. “Topi është në fushën e tyre, ata duhet të na japin një përgjigje”, tha Putin në konferencën e tij vjetore për shtyp.

Ai ka kërcënuar me masa ushtarake, por mohon planifikimin për të pushtuar Ukrainën. Zyrtarët e sigurisë të Ukrainës thonë se më shumë se 100,000 trupa ruse janë dërguar pranë kufijve të saj dhe SHBA-ja e ka kërcënuar Putinin me sanksione "të tilla që ai nuk ka parë ndonjëherë" nëse Ukraina vihet nën sulm.

Zyrtarë të lartë të Shtëpisë së Bardhë refuzuan t'i përgjigjen kërkesave thelbësore të presidentit rus që NATO të braktisë të gjitha aktivitetet ushtarake në Evropën Lindore dhe të mos pranojë Ukrainën si anëtare, megjithëse të dyja duket se nuk janë fillestarë.

"Jeni ju që duhet të na jepni garanci dhe t'i jepni ato menjëherë," tha Putin të enjten, duke theksuar se masat ushtarake nuk ishin zgjedhja e tij e preferuar.

Sekretarja e shtypit e Shtëpisë së Bardhë, Jen Psaki, tha se megjithëse nuk kishte asnjë marrëveshje përfundimtare për bisedimet diplomatike, SHBA-ja po punonte drejt tyre dhe po i priste me padurim.

Të fundit