Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Tensionet me Rusinë, Presidenti i Ukrainës fton Biden dhe Putin në bisedime trepalëshe

Politiko 14 Janar 2022, 21:23

Tensionet me Rusinë, Presidenti i Ukrainës fton Biden dhe Putin

Presidenti ukrainas Volodymyr Zelenskyy ka ftuar Joe Biden dhe Vladimir Putin të takohen me të mes tensioneve me Rusinë përgjatë kufirit, tha të premten një nga këshilltarët e tij të ngushtë.

"Ne jemi ende në pritje të përgjigjes nga pala ruse, por partnerët tanë amerikanë e kanë mirëpritur propozimin tonë," tha shefi i administratës presidenciale të Ukrainës, Andriy Iermak në një ngjarje të organizuar nga Këshilli Atlantik i SHBA-së.

Kievi ka propozuar që takimi të mbahet virtualisht. "Unë mendoj se është një pozicion proaktiv, duke përfshirë Ukrainën në negociata. Nëse është një çështje e diskutimit të arkitekturës së sigurisë në Evropë, është e nevojshme të përfshihet Ukraina," shtoi Iermak.

Zyrtarët nga Uashingtoni dhe Moska u mblodhën në Gjenevë, Zvicër, në fillim të kësaj jave për të diskutuar sigurinë, e cila u pasua nga bisedimet midis Rusisë dhe NATO-s.
Si Ukraina ashtu edhe Bashkimi Evropian kanë denoncuar se nuk janë ftuar për të marrë pjesë në samitin Uashington-Moskë, duke argumentuar se çdo diskutim për sigurinë ukrainase dhe evropiane duhet t'i përfshijë ata.

Rusia ka grumbulluar dhjetëra mijëra trupa dhe pajisje ushtarake përgjatë kufirit me Ukrainën, të cilat kanë ngjallur frikën se Moska mund të jetë gati për të pushtuar.

Moska e ka mohuar këtë, por ka kërkuar garanci që NATO nuk do të zgjerohet më tej në lindje duke ndaluar Ukrainën dhe Gjeorgjinë të bëhen anëtarë. SHBA dhe aleatët e saj evropianë e kanë hedhur poshtë këtë kërkesë, duke theksuar se shtetet sovrane kanë të drejtë të vendosin për aleancat e tyre të sigurisë.

Të fundit