Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Thellohet kriza në Sudan, mijëra protestues kërkojnë grusht shteti

Politiko 17 Tetor 2021, 09:44

Thellohet kriza në Sudan, mijëra protestues kërkojnë grusht

Kundërshtarët e tranzicionit të Sudanit në demokraci dolën në rrugët e Khartoum dje për t'i bërë thirrje ushtrisë të marrë kontrollin e vendit. Mijëra demonstrues u mblodhën jashtë pallatit presidencial, ndërsa kriza politike e vendit thellohet.

Grupet ushtarake dhe civile kanë ndarë pushtetin që nga rrëzimi i Presidentit Omar al-Bashir në vitin 2019. Megjithatë, tensionet janë rritur që kur një përpjekje për grusht shteti që i atribuohet pasuesve të Bashir dështoi në shtator.

Që atëherë, udhëheqësit ushtarakë kanë kërkuar reforma në koalicionin Forcat e Lirisë dhe Ndryshimit (FFC), një aleancë civile e cila udhëhoqi protestat anti-Bashir dhe formoi një pjesë kryesore të qeverisë kalimtare. Forcat e armatosura kanë bërë thirrje gjithashtu për zëvendësimin e kabinetit.

Sidoqoftë, udhëheqësit civilë thonë se kërkesat janë pjesë e një marrjeje pushteti nga forcat e armatosura. Demonstruesit pro-ushtarakë brohoritën "qeveria e urisë" dhe i bënë thirrje gjeneralit Abdel Fattah al-Burhan, kreut të forcave të armatosura dhe Këshillit sovran të përbashkët ushtarak-civil të Sudanit, të nxisë një grusht shteti dhe të marrë kontrollin e vendit.

"Ne kemi nevojë për një qeveri ushtarake, qeveria aktuale nuk ka arritur të na sjellë drejtësi dhe barazi," tha një protestues, raporton BBC.

Ndryshe nga demonstratat e mëparshme në vend, protestuesit u lejuan të arrinin në portat e pallatit presidencial dhe kishte pak prezencë policore. Protestuesit pro-qeveritarë kanë thirrur gjithashtu një tubim të enjten në përgjigje të demonstratave të së shtunës.

Të Premten, Kryeministri civil i Sudanit, Abdallah Hamdok prezantoi një plan për të trajtuar atë që ai e quajti krizën politike "më të keqe dhe më të rrezikshme" të vendit në tranzicionin e tij dy-vjeçar.

"Unë nuk jam neutral ose ndërmjetës në këtë konflikt. Pozicioni im i qartë dhe i vendosur është përafrimi i plotë me tranzicionin demokratik civil", tha ai.

Hamdok u betua si kryeministër në gusht 2019, pasi protestat masive hodhën ushtrinë dhe përfundoi sundimin 30-vjeçar të Omar al-Bashir. Por mbështetja për qeverinë e tij ka rënë muajt e fundit pasi reformat ekonomike të kryesuara nga Hamdok kanë parë që subvencionet e karburantit janë zvogëluar dhe inflacioni është rritur.

Të fundit