Tre vite pandemi/ Numri zyrtar i viktimave shkon në 6 milionë, por ai real mund të jetë 23.5 milionë

Numri zyrtar global i vdekjeve nga COVID-19 është në prag të 6 milionëve, duke nënvizuar se pandemia, tashmë në vitin e saj të tretë, nuk ka përfunduar.

Numri i viktimave, i përpiluar nga Universiteti Johns Hopkins, ishte 5,996,882 mëngjesin e sotëm dhe pritej të kalonte shifrën 6 milionë gjatë ditës.

Ishujt e largët të Paqësorit, izolimi i të cilëve i kishte mbrojtur ata për më shumë se dy vjet, tani po përballen me shpërthimet dhe vdekjet e tyre të para, të nxitura nga varianti shumë ngjitës i omicron.

Hong Kongu, i cili po sheh rritje të vdekjeve, po teston të gjithë popullsinë e tij prej 7.5 milionë banorësh tre herë këtë muaj, ndërsa është ngjitur pas strategjisë "zero-COVID" të Kinës kontinentale.

Ndërsa normat e vdekjeve mbeten të larta në Poloni, Hungari, Rumani dhe vende të tjera të Evropës Lindore, rajoni ka parë më shumë se 1 milion refugjatë që mbërrijnë nga Ukraina e shkatërruar nga lufta, një vend me mbulim të dobët vaksinimi dhe shkallë të lartë të rasteve dhe vdekjeve.

Shkalla e vdekjeve në mbarë botën është ende më e lartë në mesin e njerëzve të pavaksinuar kundër virusit, tha Tikki Pang, një profesor vizitor në shkollën mjekësore të Universitetit Kombëtar të Singaporit dhe bashkëkryetar i Koalicionit të Imunizimit të Azisë Paqësorit.

"Kjo është një sëmundje e të pavaksinuarve - shikoni se çfarë po ndodh në Hong Kong tani, sistemi shëndetësor është i mbingarkuar. Shumica e madhe e vdekjeve dhe rasteve të rënda janë në segmentin e pavaksinuar dhe të cenueshëm të popullsisë", tha ai.

Botës iu deshën shtatë muaj për të regjistruar miliona vdekjet e saj të para nga virusi pasi filloi pandemia në fillim të vitit 2020. Katër muaj më vonë, një milion njerëz të tjerë kishin humbur jetwn dhe 1 milion kanë vdekur çdo tre muaj që atëherë, derisa numri i jetwve tw humbura arriti në 5 milion në fund tw tetorit.

Tani ka arritur në 6 milionë - më shumë se popullsia e Berlinit dhe Brukselit së bashku, ose e gjithë shteti i Maryland.

Një analizë e vdekjeve të tepërta nga një ekip në The Economist vlerëson se numri i vdekjeve nga COVID-19 është midis 14 milion dhe 23.5 milion.

Shtetet e Bashkuara kanë numrin më të madh zyrtar të vdekjeve në botë, por shifrat kanë qenë në rënie gjatë muajit të fundit.

Bota ka parë më shumë se 445 milionë raste të konfirmuara COVID-19, dhe rastet e reja javore kanë ardhur në rënie së fundmi në të gjitha rajonet, përveç Paqësorit Perëndimor, i cili përfshin Kinën, Japoninë dhe Korenë e Jugut, ndër të tjera, raportoi Organizata Botërore e Shëndetësisë këtë javë.

Burimi: AP