Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Bota

Trump kërkon një avion ushtarak dhe automjete për ta mbrojtur gjatë fushatës

Politiko 11 Tetor 2024, 21:35

Trump kërkon një avion ushtarak dhe automjete për ta mbrojtur

Stafi i Donald Trump ka kërkuar një avion ushtarak dhe automjete për të mbrojtur ish-presidentin gjatë javëve të fundit të fushatës së tij. Kjo kërkesë vjen pas dy atentateve ndaj kandidatit republikan. Një zëdhënës i Shërbimit Sekret, i cili është përgjegjës për mbrojtjen e kandidatëve presidencialë, tha se Trump merr nivelin më të lartë të mbrojtjes, por konfirmoi se ndihmësit e tij kishin kërkuar më shumë.

Gjithashtu edhe presidenti amerikan Joe Biden, duke folur para gazetarëve në Shtëpinë e Bardhë, tha se ai ka udhëzuar shërbimet e sigurisë që ta mbrojnë Trumpin sikur të ishte presidenti në detyrë. 

“Për sa kohë që ai nuk kërkon një F-15, unë e kam udhëzuar Departamentin që t'i japë atij çfarëdo që ai kërkon, sikur të ishte presidenti në detyrë. Ai do të marrë atë që i nevojitet, nëse bie në atë kategori, nuk ka asnjë problem ”, u tha Biden gazetarëve në Shtëpinë e Bardhë.

Ndërkohë bashkëpunëtorët e Trump janë në kontakt me shefin e shtabit të Shtëpisë së Bardhë Jeff Zients dhe drejtorin në detyrë të Shërbimit Sekret Ronald Rowe, nga të cilët kanë kërkuar mjete ushtarake për të mbrojtur manjatin republikan. Sipas këtij burimi, ata thanë se ai u detyrua të riplanifikojë ose të anulojë tubimet e fushatës për shkak të mungesës së sigurisë adekuate. Trump po bën thirrje gjithashtu që të zgjerohet një zonë ndalim-fluturimi mbi rezidencat e tij dhe tubimet e fushatës, si dhe xhami antiplumb në ngjarjet e tij në shtetet fqinje.

Të fundit