Flash News

Akuzohet për fshehje të pasurisë, Apeli i GJKKO lë në fuqi dënimin për Fatos Tushen

3 mijë euro për të favorizuar autorin e një plagosje në Dibër, SPAK çon për gjykim oficerin e Policisë Gjyqësore dhe 3 të tjerë

Shkaqet e vdekjeve në Shqipëri, kryesojnë sëmundjet e zemrës, shënojnë rritje vetëv*asjet

Shtyhet pretenca për Jorgo Goron

I dha karamele dhe tentoi të abuzojë me të miturën, arrestohet 60-vjeçari në Maliq

Bota

Trump takim urgjent në Shtëpinë e Bardhë, shqyrton mundësinë e bashkimit me Izraelin për të goditur Iranin

Politiko 18 Qershor 2025, 09:08

Trump takim urgjent në Shtëpinë e Bardhë, shqyrton

Takimi urgjent i Donald Trump në Sallën e Situatave të Shtëpisë së Bardhë, i cili zgjati një orë e 20 minuta, u mbajt për të diskutuar nëse SHBA-të duhet t'i bashkohen Izraelit për të goditur centralet bërthamore iraniane.

Raporti thotë se nuk ka një marrëveshje të plotë midis këshilltarëve më të afërt të Trump, shkruan BBC.

Pas disa ditësh thirrjesh ndaj iranianëve për t'u rikthyer në negociata, Presidenti Trump po shqyrton nëse SHBA-të duhet të përfshihen drejtpërdrejt në luftën e Izraelit kundër Iranit. Në takimin e djeshëm të Këshillit të Sigurisë Kombëtare të SHBA-së, Trump dhe këshilltarët e tij raportohet se kanë diskutuar mundësinë e goditjes së centraleve bërthamore të Iranit. Një objektiv i mundshëm mund të jetë centrali i pasurimit të uraniumit në Fordo që është thellë nën tokë.

Vetëm amerikanët kanë një bombë të aftë ta shkatërrojë atë.

Sipas CBS Neës, këshilltarët e presidentit janë ende të ndarë se si të vazhdojnë. Mediat amerikane dhe izraelite thonë se Trump pas takimit i bëri një telefonatë kryeministrit izraelit Benjamin Netanyahu, por nuk dihet se çfarë u diskutua. Në tre ditët e fundit, të paktën 30 avionë tanke ushtarake amerikane - të përdorur për të furnizuar me karburant avionët luftarakë dhe bombarduesit - janë dërguar në Evropë.

Dje, në një mori postimesh në mediat sociale, Trump kërkoi "dorëzimin pa kushte" të Iranit.

Udhëheqësi suprem i Iranit, Ajatollah Ali Khamenei, u përgjigj me një sërë mesazhesh në mediat sociale mbrëmë - duke këmbëngulur se vendi i tij "nuk do të bënte kurrë kompromis me sionistët".

Të fundit