Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Ukraina dhe SHBA rifillojnë bisedimet për paqen, takim i rëndësishëm javën e ardhshme

Politiko 6 Mars 2025, 22:05

Ukraina dhe SHBA rifillojnë bisedimet për paqen, takim i

Ukraina dhe Shtetet e Bashkuara kanë rifilluar punën për një proces paqeje, me një takim të rëndësishëm të planifikuar për javën e ardhshme. Lajmin e konfirmoi presidenti ukrainas Volodymyr Zelensky gjatë fjalimit të tij në samitin e Këshillit Europian në Bruksel, ku u prit me duartrokitje.

Zelensky theksoi se Ukraina synon paqen, por jo me koston e dorëzimit të vendit të tij. Ai bëri thirrje për një armëpushim në ajër dhe det, si dhe lirimin e të burgosurve të luftës si hapa të parë për ndërtimin e besimit mes palëve.

“Çdo armëpushim apo masë për ndërtimin e besimit duhet të jetë vetëm prologu për një zgjidhje të drejtë dhe gjithëpërfshirëse, e cila do të sigurojë përfundimin e luftës,” deklaroi Zelensky.

Në kuadër të negociatave të ardhshme, më 11 mars në Riad do të mbahet një takim mes delegacionit ukrainas dhe përfaqësuesve amerikanë, përfshirë sekretarin amerikan të Shtetit Marco Rubio, të dërguarin e posaçëm Witkoff dhe këshilltarin për sigurinë Waltz.

Presion për marrëveshjen mbi mineralet

Ndërkohë, i dërguari i Donald Trump për Rusinë dhe Ukrainën, Keith Kellogg, i bëri thirrje Zelenskyt të nënshkruajë marrëveshjen për mineralet, duke e konsideruar atë një “garanci de facto sigurie” që mund të rikthejë ndihmën ushtarake dhe bashkëpunimin në fushën e inteligjencës mes SHBA dhe Ukrainës.

Europa investon në mbrojtje, Polonia kërkon garë armatimi me Rusinë

Në samitin e Brukselit, liderët europianë premtuan mbështetje të mëtejshme për Ukrainën, duke prezantuar “Planin e Riarmatimit të Europës” dhe duke vendosur të investojnë të paktën 800 miliardë euro në mbrojtje, përfshirë industrinë ushtarake ukrainase.

Kryeministri polak Donald Tusk theksoi nevojën për të përshpejtuar garën e armatimit për të dobësuar Rusinë, ashtu siç ndodhi me Bashkimin Sovjetik.

“Europa ka fuqinë për të fituar çdo konfrontim me Rusinë. Ne jemi më të fortë,” deklaroi ai.

Ndërkohë, kancelari gjerman Olaf Scholz bëri thirrje për unitet mes Europës dhe Shteteve të Bashkuara, duke theksuar se bashkëpunimi transatlantik është thelbësor për stabilitetin global.

Të fundit