Flash News

Ndërron jetë në moshën 58-vjeçare, Artan Lame

Vrasja e Ermir Dedjas, shpallen në kërkim dy persona, u siguruan mjetin autorëve

Studimi: Ndërtimi i digave sjell pasoja të rënda ekologjike mbi burimin e Vjosës

Gjermania zgjat qëndrimin e trupave të saj në Kosovë

Policia greke bastis qelitë e shqiptarëve në Koridhalos, zbulohet arsenal dhe drogë te “bosi i mafies së burgjeve”

Bota

Ukraina fitoi Eurovision 2022/ Rusët bombardojnë Azovstalin, në predha shkruajnë tekstin e këngës

Politiko 15 Maj 2022, 15:12

Ukraina fitoi Eurovision 2022/ Rusët bombardojnë Azovstalin, në

Ukraina u shpall dje fituese e Eurovision 2022. Orkestra Kalusha arriti të rrëmbejë çmimin e parë me një interpretim folklorik me këngën e titulluar “Stefania”.

Pasi Ukraina u shpall fituese e Euorivision Contest 2022 dhe pasi Orkestra Kalusha mbajti një fjalim para skenës në Turin të Italisë duke bërë thirrje Evropës t’i vijnë në ndihmë Ukrainës, Rusia nisi sulmet dhe bombardimet mbi parkun e punimeve të çelikut Azovstal, raporton Daily Mail.

"Unë ju kërkoj të gjithëve, ju lutemi ndihmoni Ukrainën, Mariupol. Ndihmoni Azovstal, tani”, tha frontmeni i grupit Oleh Psiuk.

Por këtë mëngjes, FighterBomber kanali pro-Kremlinit dhe pro-luftës, postoi disa foto predhash mbi të cilat ishte shkruar teksti i këngës “Stefania”. Ishte deklarata e presidentit Vo0lodymyr Zelensky i cili u shpreh se vitin tjetër Eurobvision do të zhvillohet në Mariupol, ajo çka acaroi forcat ushtarake të Vladimir Putin. 

“Ashtu siç kërkove ti, Kalusha! Për Azovstal”, thuhet në mesazhe. “#Eurovision2022. Dëgjova thirrjen për deri në Azov. Ndihmoni Mariupolin. Ndihmo Mariupolin tani”.

 Ukraina fitoi Eurovision 2022/ Rusët bombardojnë Azovstalin, në Ukraina fitoi Eurovision 2022/ Rusët bombardojnë Azovstalin, në

Petr Andryushchenko, këshilltar i kryetarit të bashkisë së Mariupolit, ndau imazhet e bombave ruse në kanalin e tij Telegram, ku dënoi forcat e Putinit se kishin 'humbur humanitetin e tyre'.

Bombat OFAB 250-270, mbi të cilat ishte shkruar teksti i këngës, janë pajisje të fragmentimit me eksploziv të lartë, të krijuara për të shkatërruar objektet ushtarako-industriale, automjete të blinduara dhe grupe të mëdha ushtarësh duke spërkatur një përrua të copëzave të blinduara që shpojnë në një zonë të madhe.

“Ky është reagimi i ushtrisë ruse ndaj fitores sonë në Eurovision 2022. Në Rusi, një shekull pendimi do të pasojë humbjet”, ka thënë kryebashkiaku.

Të fundit