Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Video/ Kaos në aeroportin e kabulit, trupat amerikanë qëllojnë në ajër

Politiko 16 Gusht 2021, 10:35

Video/ Kaos në aeroportin e kabulit, trupat amerikanë

Mijëra afganë u dyndën në aeroportin e Kabulit të hënën në mëngjes në një përpjekje të dëshpëruar për të dalë nga vendi pasi grupi militant taleban mori pushtetin.

Forcat amerikane në aeroport u detyruan të qëllonin në ajër për të rivendosur qetësinë.

"Unë jam shumë i frikësuar. Ata po gjuajnë në ajër. Pashë një vajzë të re duke u përplasur dhe vrarë," tha një dëshmitar për AFP.

Një zyrtar amerikan thotë se të shtënat paralajmëruese janë lëshuar për të kontrolluar turmat në aeroport.

Trupat amerikane u detyruan të qëllonin me armë paralajmëruese në ajër në aeroportin e Kabulit për të parandaluar turmat e qytetarëve të dëshpëruar që vraponin mbi aeroplanë, tha një zyrtar për agjencinë e lajmeve Reuters.

Zyrtari u citua të thoshte: "Turma ishte jashtë kontrollit. Qitja u bë vetëm për të shuar kaosin."

Të shtënat me armë mund të dëgjoheshin në disa video në mediat sociale. Skenat e dëshpëruara përfshijnë turma që rrotullohen rreth avionëve dhe përplasen shkallëve.

Trupat amerikane janë përgjegjëse në aeroport, ku thuhet se po i japin përparësi evakuimit të stafit të ambasadës në fluturimet ushtarake.

SHBA më herët tha se kishte evakuuar të gjithë stafin e saj të ambasadës në aeroport.

Të fundit