Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Video/ Mbërthyer pas rrotave të avionit me këmbët e varura, momenti kur afgani tenton të largohet

Politiko 17 Gusht 2021, 16:46

Video/ Mbërthyer pas rrotave të avionit me këmbët e varura,

Afganët në avionët e SHBA

Pamjet kapura nga një avion në fluturim, teksa tregojnë një qytetar afgan i kapur në rrotat avionit që përpiqet të mbahet, janë bërë virale në internet.

Mediat e huaja, kanë sjellë një video që tregon se si afgani mundohet të qëndrojë i mbajtur pas rrotave në mënyrë që të shpëtojë dhe këmbët e tij varen përtej pjesës hyrëse të aeroplanit. Sipas pamjeve të përcjella, mendohet se afgani është kapur pas derës së pasme të avionit ushtarak C-17.

Avionët C-17 po evakuonin personelin amerikan nga aeroporti i Kabulit të hënën dhe videot treguan afganë të dëshpëruar të kapur pas rrotave.

Zyrtarët amerikanë më vonë konfirmuan se mbetjet njerëzore ishin gjetur në pusin e timonit të një C -17 që ishte nisur fillimisht për në SHBA, por u devijua në një vend të tretë pas shpalljes së gjendjes së jashtëzakonshme.

Ky nuk është i vetmi imazh i dhimbshëm që doli nga kaosi në Kabul pasi të paktën tre persona u vranë gjatë udhëtimit të një avioni amerikan C-17 që u nis nga aeroporti i qytetit të hënën në një përpjekje të dëshpëruar për t'i shpëtuar talibanëve të cilët kanë pushtuar vendin.

Dhjetëra njerëz, disa me dokumente të imigracionit, krijuan radhë të rregullta nën armët e rojeve të sigurisë afgane ndërsa helikopterët Apache zhurmonin në ajër në aeroportin Hamid Karzai të martën teksa prisnin të hipnin në fluturimet jashtë vendit, nga frika e ndëshkimit të përgjakshëm nga islamistët.

Ka të paktën 56,000 njerëz që kanë nevojë për evakuim nga Afganistani - përfshirë rreth 22,000 që fluturojnë me viza speciale emigruese amerikane, 4,000 shtetas britanikë, 10,000 refugjatë që Gjermania ka thënë se do të pranojë dhe 20,000 të drejtuar për në Kanada.

SHBA ka thënë se mund të lëshojë 80,000 viza speciale emigruese për ata që ndihmuan në operacionet luftarake dhe ka të ngjarë të përballen me sulme hakmarrëse nga talebanët, ndërsa 7.500 trupa aktualisht ruajnë aeroportin - përfshirë 6,000 amerikanë dhe një numër më të vogël britanikësh, turqish dhe australianësh, të cilët gjithashtu do të duhet të largohem.

Kaosi u shfaq në aeroport pasi mijëra afganë sulmuan pistat dhe u përpoqën të futen me forcë në fluturimet jashtë vendit, duke ndaluar përkohësisht misionet e evakuimit të cilat rifilluan të martën herët pasi mijëra trupa amerikane ndihmuan në pastrimin e pistës.