Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Video-mesazhi i Zelensky-t: Ukraina i ka zmbrapsur sulmet, Rusia të përjashtohet nga SWIFT

Politiko 26 Shkurt 2022, 12:53

Video-mesazhi i Zelensky-t: Ukraina i ka zmbrapsur sulmet, Rusia të

Presidenti ukrainas Volodymyr Zelensky ka folur në një video-mesazh, duke thënë se forcat e vendit të tij kanë ndaluar një plan rus për ta kapur atë brenda natës dhe për të instaluar liderin e tyre.

Ai gjithashtu u bëri thirrje rusëve që të bëjnë presion ndaj Presidentit Vladimir Putin për të ndaluar pushtimin.

" Ne i kemi prishur planet e tyre. Ata nuk kanë asnjë avantazh ndaj nesh. I kemi rezistuar dhe i kemi zmbrapsur me sukses sulmet e armikut. Luftimet vazhdojnë në qytete dhe rajone të ndryshme të vendit tonë " tha Zelensky.

Ai tha se Rusia kishte goditur zonat e banuara duke përdorur raketa: "Shkatërrimi nga raketat dhe artileria e ndërtesave të banimit është argumenti përfundimtar që bota të jetë pranë nesh në ndalimin e pushtimit të pushtuesve".

Zelensky tha se Ukraina tani ka "pothuajse mbështetjen e plotë të anëtarëve të BE-së për të përjashtuar Rusinë nga SWIFT" - sistemi ndërkombëtar i pagesave që ka qenë në qendër të një debati rreth sanksioneve kundër Rusisë. “Shpresoj se Gjermania dhe Hungaria do të kenë guxim të mjaftueshëm për të mbështetur këtë vendim”, tha ai.

Ai tha gjithashtu se Ukraina ka fituar anëtarësimin e saj në Bashkimin Evropian. "Tani ka ardhur momenti vendimtar për t'i dhënë fund diskutimeve shumëvjeçare" për anëtarësimin e Ukrainës në bllok.

Ai u bëri thirrje përsëri ukrainasve që t'i rezistojnë pushtimit rus.

Çdo ukrainas duhet të ketë parasysh një gjë: nëse mund të ndaloni dhe shkatërroni pushtuesit -- bëjeni. Të gjithë ata që mund të kthehen në Ukrainë - ktheheni për të mbrojtur Ukrainën."

Ai u bëri thirrje edhe vullnetarëve nga jashtë. "Të gjithë miqtë që duan të bashkohen me ne -- ju lutemi ejani, ne do t'ju japim armë."

Ai falënderoi Dmitry Muratov, kreun e gazetës së pavarur ruse Novaya Gazeta, dhe të tjerët në Rusi për aktivizmin e tyre kundër luftës dhe tha: "Rusët po dërgohen të vdesin dhe të vrasin".

Të fundit