Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Video nga festa e shfrenuar, kryeministrja finlandeze pranon se ka bërë testin e drogës
Kryeministrja e Finlandës ka thënë se ka bërë një test droge, pasi u filmua duke festuar me miqtë e saj.
Sanna Marin, 36 vjeç, u kritikua këtë javë pasi një video e publikuar e tregonte atë në një festë me disa politikanë që thanë se ajo duhet të testohej për lëndë narkotike, shkruan BBC.
Në një konferencë shtypi të Premten, Marin tha se kishte bërë testin dhe pret rezultatet javën e ardhshme.
Kryeministrja mbrojti sjelljen e saj në videot virale dhe mohoi me forcë përdorimin e drogës.
"Unë nuk kam bërë asgjë të paligjshme," u tha ajo gazetarëve në Helsinki.
"Edhe në vitet e adoleshencës nuk kam përdorur asnjë lloj droge," tha Marin, duke shtuar se ajo kreu testin e drogës si një masë shtesë për të zbutur çdo shqetësim.
Gazetarët e pyetën nëse Marin, e cila ka qenë në pushtet që nga dhjetori 2019, do të kishte qenë në gjendje të merrte vendime të menjëhershme qeveritare nëse ishte e nevojshme.
"Unë mendoj se aftësia ime për të funksionuar ishte vërtet e mirë. Nuk kishte takime të njohura në ditët kur isha duke festuar."
Marin tha se e dinte që po filmohej, por tha se ishte e mërzitur që pamjet ishin bërë publike.
"Unë besoj se njerëzit e kuptojnë se koha e lirë dhe koha e punës mund të ndahen," shtoi ajo.
Një nga lideret më të reja në botë, Marin nuk e fsheh festimin dhe shpesh është fotografuar në festivale muzikore.
Vetëm javën e kaluar, ajo u quajt "kryeministrja më e lezetshme në botë" nga gazeta gjermane e lajmeve Bild.