Vrasja e 17-vjeçarit nga policia, protestuesit i vënë flakën Parisit, 875 të arrestuar

Prej ditësh tashmë Parisi po digjet nga protestat pas vrasjes së 17-vjeçarit Nahel nga policia. Fasada të dëmtuara, rrugë të  mbushura me shaka dhe njerëz te revolutuar kjo është panorama që mbizotëron në kryeqytetin evropian.

Rreth 40,000 policë dhe së bashku me njësitë elitare Raid dhe GIGN " blinduan" qytetin gjatë natës, por sërish dhuna dhe dëmtimet ishin të shumta.

Ministria e Brendshme tha se 875 persona ishin arrestuar në atë që ministri i Brendshëm Gérald Darmanin e përshkroi si një natë "dhunë të rrallë". 

 Ndërtesat publike ishin gjithashtu në shënjestër, me një stacion policie në qytetin Pau të Pirenejve, i goditur me një koktej molotov, sipas autoriteteve rajonale, dhe një shkollë fillore dhe një zyrë qarku i dogjën në Lille.

Nëna e Nahelit, Mounia udhëhoqi ditën e djeshme protestën, ndërsa tha se ajo nuk fajëson të gjithë policinë, por vetëm oficerin që qëlloi për vdekje 17-vjeçarin. Ajo mbante një bluzën të bardhë në të cilën shkruhej “Drejtësi për Nahelin”.

Si pjesë e masave për të rivendosur qetësinë, shërbimet e autobusëve dhe tramvajit të Parisit u ndërprenë pas orës 21:00 (1900 GMT) të enjten, tha presidenti i rajonit.

Por masat dhe siguria e shtuar dukej se nuk bënë shumë për të penguar trazirat të enjten mbrëma. 

Në periferi të Drancy, protestuesit përdorën një kamion për të hapur me forcë hyrjen e një qendre tregtare, e cila më pas u plaçkit dhe u dogj.

Në Nanterre, epiqendra e trazirave, tensionet u rritën rreth mesnatës, me fishekzjarre dhe eksplozivë të nisur në lagjen Pablo Picasso, ku kishte jetuar Nahel.

Si ndodhi vrasja?

Nahel, 17 vjeç, u qëllua të martën në makinën e tij, pasi nuk ndaloi kur u urdhërua. Një video që qarkullon në rrjetet sociale, tregon një oficer policie që i drejton armën shoferit të një makine, përpara se të dëgjohet një e shtënë. Makina më pas përplaset.

Adoleshenti vdiq si pasojë e plagëve të plumbave në gjoks, pavarësisht ndihmës së urgjencës. Oficeri policor që dyshohet se qëlloi, u arrestua nën akuzën për vrasje.