Flash News

Bota

Zelensky: Donbasi është shkatërruar plotësisht. Ushtarët ukrainas në Azovstal nuk dorëzohen

Zelensky: Donbasi është shkatërruar plotësisht.

Presidentit ukrainas Volodymyr Zelensky, tha se ka "shumë të vdekur" në një sulm raketor rus pranë Chernihiv. Ai ka akuzuar Rusinë për një “përpjekje të qëllimshme dhe kriminale për të vrarë sa më shumë ukrainas”.

Ai shtoi se ka sulme të vazhdueshme në rajonin e Odesës, në qytetet e Ukrainës qendrore, ndërsa theksoi se Donbasi është shkatërruar plotësisht. Ndërsa presidenti i SHBA Joe Biden do të nënshkruajë një paketë ndihme urgjente prej 40 miliardë dollarësh për Ukrainën.

Paketa u miratua dje nga Senati. Administrata Biden njoftoi gjithashtu një paketë tjetër sigurie prej 100 milionë dollarësh për Ukrainën.

Ministri i Jashtëm ukrainas Dmytro Kuleba tha se ai diskutoi mënyrat për të "zhbllokuar" eksportet e ushqimit ukrainas me homologen e tij në Mbretërinë e Bashkuar, Sekretaren e Jashtme Liz Truss.

Bllokada ndaj eksporteve të Ukrainës u diskutua gjithashtu nga Zelensky dhe kryeministri i Mbretërisë së Bashkuar Boris Johnson gjatë një telefonate të enjten. Dështimi për të hapur portet e mbyllura në Ukrainë për të transportuar grurë do të sjellë miliona njerëz në prag të urisë, sipas Programit Botëror të Ushqimit.

Ndërsa qindra ushtarë ukrainas u larguan nga uzina Azovstal në Mariupol këtë javë, ka të ngjarë të ketë ende qindra brenda kompleksit të rrethuar – dhe duket se përfshijnë disa komandantë të lartë.

Major Bohdan Krotevych, shefi i shtabit të regjimentit Azov, tha se ai nuk do të dorëzohej, duke thënë se "lufta vazhdon". Ministria ruse e mbrojtjes tha se mbi 1700 ushtarë ukrainas janë dorëzuar në kompleks që nga 16 maji.

Burimi: CNN

 

 

Të fundit