Zelensky prezanton planin me 10 pika për të bërë paqe me Rusinë

Presidenti ukrainas Volodymyr Zelensky propozoi një shkëmbim të të burgosurve me Rusinë gjatë fjalimit të tij virtual në samitin e G20-ës, që po mbahet në Bali.

“Mijëra njerëz tanë – ushtarakë dhe civilë – janë në robëri. Ata i nënshtrohen torturave brutale – ky është abuzim masiv… ne njohim me emra 11,000 fëmijë që u deportuan me forcë në Rusi”, tha Zelensky.

Propozimi i shkëmbimit të të burgosurve është një nga 10 fushat e përshkruara nga Zelensky gjatë fjalimit të tij të martën në rrugën për t'i dhënë fund luftës. Plani i Ukrainës për paqe bazohet në 10 pika:

Siguria nga rrezatimi dhe armët bërthamore

Siguria ushqimore

Siguria energjetike

Lirimi i të burgosurve dhe të internuarve

Zbatimi i Kartës së OKB-së

Tërheqja e trupave ruse dhe ndërprerja e armiqësive

Drejtësia

Ekocidi dhe mbrojtja e mjedisit

Parandalimi i përshkallëzimit

Konfirmimi i përfundimit të luftës

Burimi: CNN