Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Zgjedhjet në Izrael/ E djathta drejt fitores, rikthehet Benjamin Netanyahu

Politiko 2 Nëntor 2022, 08:41

Zgjedhjet në Izrael/ E djathta drejt fitores, rikthehet Benjamin Netanyahu

Ish-kryeministri izraelit Benjamin Netanyahu është drejt fitores së zgjedhjevetë përgjithshme të vendit, thonë exit poll. Parashikimet i japin bllokut të tij të krahut të djathtë një shumicë vendesh ndaj kundërshtarëve të tij të qendrës së majtë të udhëhequr nga kryeministri aktual Yair Lapid. Një rezultat i tillë do të shënonte një rikthim për Netanyahu, i rrëzuar vitin e kaluar pas 12 vitesh në pushtet.

"Ne jemi afër një fitoreje të madhe," u tha ai mbështetësve në Jerusalem.

Zgjedhjet u panë gjerësisht si një votë pro ose kundër kthimit të Netanyahut. Sondazhet tregojnë se blloku i Netanyahut do të ketë 61 ose 62 vende në Knesset (parlament) prej 120 vendesh. Rezultateti zyrtar pritet të dalë orët në vijim.

Megjithatë, në kampin e partisë së tij në Tel Aviv, kryeministri Lapid u tha mbështetësve të tij se "asgjë" nuk ishte vendosur ende dhe partia e tij e qendrës së majtë Yesh Atid do të presë për rezultatet përfundimtare.

Netanyahu, 73 vjeç, është një nga figurat politike më të diskutueshme të Izraelit, i urryer nga shumë në qendër dhe të majtë, por i adhuruar nga mbështetësit bazë të Likud.

Ai është një mbështetës i vendosur i ndërtimit të vendbanimeve të Izraelit në Bregun Perëndimor, i pushtuar që nga lufta e Lindjes së Mesme të vitit 1967. Vendbanimet atje konsiderohen të paligjshme sipas ligjit ndërkombëtar, megjithëse Izraeli e kundërshton këtë.

Ai kundërshton krijimin e një shteti palestinez në Bregun Perëndimor dhe Rripin e Gazës si një zgjidhje për konfliktin izraelito-palestinez, një formulë e mbështetur nga shumica e komunitetit ndërkombëtar, duke përfshirë administratën e Bidenit në SHBA.

Netanyahu është gjithashtu aktualisht në gjyq për ryshfet, mashtrim dhe shkelje të besimit, akuza që ai i mohon ashpër. Partnerët e tij të mundshëm në një qeveri të koalicionit të udhëhequr nga Likud kanë thënë se do të reformojnë ligjin, në një masë që do të ndalonte gjykimin e tij.

Burimi: BBC

 

Të fundit