Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Bota

Zjarre masive në Spanjë dhe Portugali, qindra të evakuuar dhe banesa të shkrumbuara

Politiko 13 Korrik 2022, 08:42

Zjarre masive në Spanjë dhe Portugali, qindra të evakuuar dhe

Zjarret përfshinë rajonin qendror të Portugalisë të martën, duke detyruar evakuimin e qindra banorëve, ndërsa zjarrfikësit përpiqeshin të shuanin flakët në një kohë që vendi po përballet me një valë nxehtësie.

Temperaturat janë mbi 40 gradë Celsius në shumë pjesë të vendit. Një zjarr i madh që filloi javën e kaluar në komunën Ourém, në veri të Lisbonës, u rindez të martën për shkak të erërave të forta.

Në komunën e afërt Leiria, shtëpitë ishin djegur, ndërsa në tre autostrada kryesore u pezullua qarkullimi. Shumë banorë janë ankuar se nuk kishte zjarrfikës dhe burime të mjaftueshme për të luftuar zjarret.

"Ne po flasim për situata komplekse, shumë burime për të menaxhuar dhe një zonë shumë të madhe të prekur," tha komandanti i Mbrojtjes Civile Andre Fernandes, duke paralajmëruar se situata do të përkeqësohej gjatë ditëve të ardhshme.

Rreth 1,700 zjarrfikës, të mbështetur nga 501 automjete, po shuanin 14 zjarre aktive në të gjithë vendin, thanë autoritetet e Mbrojtjes Civile. Ndërkohë, më shumë se gjysma e vendit është në alarmin e kuq, niveli më i lartë.

Në Spanjën fqinje, të paktën 1,500 hektarë janë shkatërruar nga një zjarr në Las Hurdes në Extremadura, në Spanjën perëndimore, duke detyruar evakuimin e rreth 400 banorëve, thanë autoritetet lokale.

Ekzistonte gjithashtu një rrezik i lartë i zjarreve në rajonin qendror të Castille dhe Leon, thanë autoritetet, ndërsa provinca veriperëndimore e Ourense ishte në alarm të kuq pasi temperaturat pritej të arrinin 42 gradë Celcius.

Burimi: Euronews

Të fundit