Flash News

Gjendet pas 6 ditësh trupi i pajetë i 29-vjeçarit në Klos

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Bota

Zjarret në Spanjë shkrumbojnë 4 mijë hektarë tokë, qindra persona braktisin shtëpitë

Politiko 25 Mars 2023, 15:41

Zjarret në Spanjë shkrumbojnë 4 mijë hektarë tokë,

Zjarret masive në Spanjë kanë shkrumbuar më shumë se 4,000 hektarë tokë dhe kanë detyruar 1,500 fshatarë të braktisin shtëpitë e tyre në rajonin e Valencias, shkruajnë mediat e huaja.

Autoritetet njoftuan se me ndërhyrjen e 500 trupave të zjarrfikësve, u arrit që vatra e madhe të vihej nën kontroll, duke ndaluar përparimin e mëtejshëm.

Erërat e forta ishin faktori kryesor që ndihmuan në përhapjen e shpejtë të flakëve. Studimet tregojnë se ngrohja globale bëri që dimri që kaloi të ishte i thatë në mënyrë të pazakontë në shumë rajone të jugut të Europës.

Nisja më herët se sezonet e kaluara të vatrave të zjarrit ngjall frikën e ripërsëritjes së katastrofës së vitit të kaluar kur gjatë verës u dogj dyfishi i mesatares së hektarëve që digjen çdo vit.

Vitin e kaluar rreth 785,000 hektarë u shkatërruan në Europë më shumë se dyfishi i mesatares vjetore për 16 vitet e fundit, sipas statistikave të Komisionit Europian (KE).

Në Spanjë, 493 zjarre shkatërruan një rekord prej 307,000 hektarësh tokë.

Të fundit