Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Braçe injoron Vasilin: Nuk merrem me politikanët budallenj. Kam qenë kundër që kur ishte ministër…

Politiko 10 Tetor 2017, 16:30

Braçe injoron Vasilin: Nuk merrem me politikanët budallenj. Kam

Replikat mes deputetëve Erion Braçe dhe Petrit Vasili vijojnë në distancë, në rrjetin social facebook. Edhe tani që janë në pozita të kundërta me njëri-tjetrin, por edhe atëherë kur ishin në një llogore, ata nuk shkonin mirë, madje shpesh herë kanë pasur edhe kundërshti e debate mes tyre, sikurse tani lidhur me politikat fiskale të qeverisë e më konkretisht me rivendosjen e TVSH-së për bizneset e vogla. Këtë gjë e ka konfirmuar vetë deputeti i PS-së, Erion Braçe. Replika më e fundit vjen prej tij. Disa ditë më parë, Braçe i cilësoi “budallenj” politikanët që kundërshtonin vendimin e ekzekutivit. Por i menjëhershëm ishte reagimi i Vasilit që replikoi duke thënë se “Çudi e madhe me këta budallenjtë e çdo lloji, varieteti e gjatësie qofshin. Vetë i bënë duart gjak e duartrokitën me të madhe kur ia hoqën TVSH-në biznesit të vogël dhe po vetë prapë i bëjnë duart gjak dhe po duartrokasin me të madhe tani që po ia vënë TVSH-në prapë”, – shkruan Vasili në “Facebook”. Por sërisht nuk ka munguar as përgjigjia në distancë e Braçes, i cili ka shkuar më tej me sulmet ndaj Vasilit duke deklaruar po në “Facebook” se “une nuk kam duartrokitur kerkend, as budallain. Aaaaa po, une kam qene kunder haptazi, kur nje budalla me rrugen e hapur deri ne minister, vendosi nen rregjimin e TVSH shendetesine, sherbimin dhe mallrat, perfshire ilacet”.

Replika e Erjon Braçes ne rrjetin social:

“BUDALLAIT HAPI RRUGE, NUK KE CFARE BEN!

Shikoni, une nuk e kam detyre te merrem me politikanet budallenj! Madje madje, e kam bindje qe budallait duhet t’i hapet rruge! Por i pergjegjshem jam ama.

Per budallain duhet te kete kujdes kur ai merr rrugen dhe mendon se do behet “i madh”, “i rendesishem” dhe, nuk e ka mendjen ne rrugen qe i hapet si i tille.

Mirqenia, siguria e tij eshte e mire publike, ndaj! Gjithsesi, eshte e pamundur te flasesh me te per dijen, ai di gjithcka! Ne fakt ai nuk di por ka bindjen se ai dië nuk di qe biznesi i vogel ne kete vend, nuk ka patur kurre detyrimin te faturoje, mbledhe e derdhe ne buxhetin e shtetit TVSH! Prej vitit 1996, kohe kur u vendos TVSH, biznesi i vogel nuk ka qene ne skemen e TVSH.

Domethene, nuk i eshte hequr gje kurre dhe une nuk kam duartrokitur kerkend, as budallain. Aaaaa po, une kam qene kunder haptazi, kur nje budalla me rrugen e hapur deri ne minister, vendosi nen rregjimin e TVSH shendetesine, sherbimin dhe mallrat, perfshire ilacet. Patjeter, nese i njejti budalla apo cilido budalla tjeter do marre rruget te bej serish te njejten gje, une do te jem edhe nje here tjeter kunder.

Tani per gjithkend, me perjashtim te budallait, Biznesi i vogel nuk ka faturuar kurre TVSH ne shitje. Ai eshte perjashtuar me pragje por gjithnje pragjet jane ulur per te perfshire segmente te biznesit te vogel ne skemen e TVSH. Qellimi ka qene i njejti:

Ulja e evazionit fiskal tek te medhenjte, por edhe tek te vegjlit qe nuk rriten kurre per shkak te evazionit. Ajo qe i eshte hequr biznesit te vogel nuk eshte TVSH-ja- edhe nje here, nuk ka qene ne skemen e TVSHë

Eshte hequr tatimi mbi xhiron, kthyer me pas ne taksa vendore mbi biznesin e vogel, e cila, u be dhe eshte zero.

Por Taksa Vendore mbi Biznesin e Vogel eshte e ndryshme nga Tatimi mbi Vleren e Shtuar. Nejse, mos lodhet kush tja thote budallenjve politike kete. Ata e dine, ne fakt nuk e dine, por ata dine gjithcka!

Ne fund, edhe nje here, TVSH nuk e paguan biznesi, por qytetari, populli. Kjo eshte “A”-ja. Budallai e di, ne fakt nuk e di, por ai i di te gjitha!”