Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Brandi", heroi me katër putra i policisë shqiptare për të cilin nuk u fol në media; zbuloi të gjallët nën rrënoja

Politiko 5 Dhjetor 2019, 18:33

Këto ditë, është folur për qenin hero "Sadak" të forcave speciale të Kosovës dhe për të gjithë efektivët me katër putra që kanë ardhur nga forcat e specializuara të vendeve të ndryshme.

Por edhe policia shqiptare ka një hero të vetin me katër putra. Bëhet fjalë për "Brandin" i cili ka zbuluar personat e gjallë nën rrënojat e 6-katëshit në Durrës.

Përmes një njoftimi në Facebook, Policia e Shtetit, shkruan se Brandi’ u fut në një tunel, rreth 4-5 metra, i krijuar nga rrëzimi i objektit. Në këtë vend ka ardhur reagimi i qenit, i cili dha shenjë për praninë e njerëzve nën rrënoja, rreth 2 metra në thellësi.

Për Brandin, ky nuk ka qenë misioni i parë sipas njoftimit të policisë pasi edhe më herët ai ka kryer operacione shpëtim-kërkimi.

Postimi i plote:

‘Brandi’ – Heroi me 4 putra i Policisë zbuloi personat e gjallë nën rrënojat e 6-katëshit në Durrës.

‘Brandi’ është heroi me 4 putra i Policisë së Shtetit, të cilin qytetarët e panë përmes ekraneve që transmetonin live nga vendngjarja, ku kërkonte për persona të mbetur nën rrënojat e pallatit 6-katësh në Durrës, goditur nga tërmeti.

Pasditen e 26 nëntorit, teksa u ndërprenë punimet me mjetet rënda dhe u fikën mjetet që punonin nën rrënoja, u përgatit dhe u fut në kërkim qeni policor. Pas kërkimit në pjesën perëndimore të banesës, ku nuk pati asnjë shenjë, u kalua në pjesën jugore të objektit. ‘Brandi’ u fut në një tunel, rreth 4-5 metra, i krijuar nga rrëzimi i objektit. Në këtë vend ka ardhur reagimi i qenit, i cili dha shenjë për praninë e njerëzve nën rrënoja, rreth 2 metra në thellësi.

Ky nuk ishte misioni i parë i ‘Brandit’, pasi ai është përdorur për kërkimin e njerëzve të gjallë nën rrënoja edhe në shërbime të tjera më herët në Shkodër e Tiranë.

Të fundit