Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Brexit/ Mes lotësh, kryeministrja britanike, Theresa May, jep dorëheqjen

Politiko 24 Maj 2019, 11:29

Kryeministrja britanike Theresa May, mes emocioneve dhe lotëve ka deklaruar dorëheqjen në një konferencë për median nga Downing Street. Theresa May tha se do të largohet nga posti i kryeministres së Mbretërisë së Bashkuara dhe nga udhëheqja e konservatorëve më 7 qershor.

Gjatë fjalës së lamtumirës, ajo la të kuptojë se me këtë vendim me shumë gjasa do të marrin fund edhe procedurat për t’u larguar nga Bashkimi Europian, për të cilën ndonëse u mundua tre herë nuk ia doli.

"Tani është e qartë për mua se është në interesin më të mirë të vendit që një kryeministër të ri të udhëheqë këtë përpjekje. Kështu që sot po e shpallë se do të jap dorëheqjen si udhëheqëse e Partisë Konservatore të premten më 7 qershor”, tha May.

“Jam krenare për progresin që kemi bërë në këto tre vite”, u shpreh gjatë fjalimit të saj May ndërsa shtoi më tej se “i ka shërbyer vendit që ajo do”.Kujtojmë që dje dorëheqjen dha dhe ministrja britanike për  Marrëdhëniet me Parlamentin, Andrea Leadsom.

Lajmin, Leadsom e ka bërë të ditur përmes një statusi në rrjetet sociale, ku publikon edhe letrën e firmosur me dorëheqjen e saj. “Me keqardhje dhe me një zemër të thyer kam vendosur të jap dorëheqje nga qeveria”, shkroi ajo.

Kujtojmë se kryeministrja e Britanisë së Madhe, Theresa May është përballur me shumë dorëheqje gjatë muajve të fundit, për shkak të mos-pajtimeve në lidhje me Brexit.

Të fundit