Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Britania e Madhe mund të tërhiqet nga Brexit javën e ardhshme

Politiko 11 Janar 2019, 18:59
Britania e Madhe mund të tërhiqet nga Brexit javën e ardhshme

Sekretari i jashtëm britanik, Jeremy Hunt, ka deklaruar se nëse javën e ardhshme refuzohet marrëveshje e Brexit-it e kryeministres Theresa May nga parlamenti i Mbretërisë së Bashkuara, situata mund të çojë në një pikë ku Brexit-it kurrë nuk do të ndodhë.

“Nëse kjo marrëveshje refuzohet, në fund të fundit çfarë ne mund të përfundojmë nuk është ndonjë lloj tjetër i Brexit-it, por paralizë e Brexit-it. Dhe, paraliza e Brexit-it në fund të fundit mund të çojë të mos ndodhë Brexit-i”, tha Hunt.

Duke folur për BBC Radio 4, Hunt tha se situata në rast të refuzimit do të ishte e dëmshme për Mbretërinë e Bashkuar.

“Jam duke thënë se kjo do të ishte një shkelje tepër e keqe e besimit dhe po ashtu do të ishte shumë keq për reputacionin e Britanisë jashtë vendit, duke vendosur të largohej nga BE-ja, nëse në fund për çfarëdo arsyeje të zbuluar ne nuk ishim në gjendje ta bëjmë”, deklaroi Hunt.

Duke theksuar se çështja e vetme që shkaktoi bllokimin e marrëveshjes ishte mekanizmi i pengesave, ai tha se bllokimi mund të prishet nëse Mbretëria e Bashkuar merr garanci ligjore nga BE-ja se opsioni i kufirit të hapur do të ishte një marrëveshje e përkohshme.

“Theresa May ka thënë se ajo nuk dëshiron vetëm fjalë. Ajo dëshiron diçka me fuqi ligjore”, shtoi ai.

Nëse nuk mund të arrihet marrëveshja e Brexit-it, automatikisht do të hyjë në fuqi opsioni i kufirit të hapur, për të garantuar asnjë kthim në kufijtë midis Irlandës së Veriut dhe Republikës së Irlandës.

Dhoma e Përfaqësuesve të martën e ardhshme do të votojë për marrëveshjen e tërheqjes së arritur nga kryeministrja May dhe zyrtarët e BE-së.

Mundësia e kalimit është e ulët, pasi partitë opozitare dhe partneri “de fakto” i qeverisë, DUP, tashmë kanë thënë se do të votonin jo.

Si rezultat i referendumit të vitit 2016, Mbretëria e Bashkuar është vendosur të tërhiqet nga unioni më 29 mars, duke i dhënë fund anëtarësimit të saj më shumë se 40-vjeçar.

Të fundit