Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Bujar Asqeriu nga studio dhe Zef Deda nga Shkodra, përloten dy aktorët për shembjen e Teatrit Kombëtar

Politiko 23 Maj 2020, 22:04

Bujar Asqeriu nga studio dhe Zef Deda nga Shkodra, përloten dy aktorët

Teksa në "Kjo javë" me Nisida Tufën, ishte i ftuar aktori i mirënjohur Bujar Asqeriu, thuajse paralelisht po mbahej protesta e Aleancës për Mbrojtjen e Teatrit në Shkodër.

Aktori i mirënjohur shqiptar, Bujar Asqeriu, ndërsa foli për shembjen e Teatrit Kombëtar, tha rezistenca për Teatrin është më fisnikja dhe se artistët nuk shtypen. Asqeriu pranon se ditën kur teatri u shemb, ai ka pësuar një problem kardiak.

“Unë u zgjova që në orën 4 e 30, po pickoja vetën, me dukej si një ëndërr se si sulmohet teatri në mënyrë të pabesë, si ka mundësi që të mos merret një konsensus? Kjo polici tërheq zvarrë vajzat?! Më këshilluan miqtë, më thanë mos shko se unë haja gishtat e mia me dhëmbë, pata edhe një problem, një moment kardiak, piva disa qetësues, çfarë do bëja unë… Të nesërmen shkova dhe ju thashë policëve: Hajdeni këtu o vëllezërit të mi, pse i tërhiqni zvarrë motrat, artistët, çfarë ju bënë ?!”, u shpreh ai.

Teksa edhe është përlotur në studio, Bujar Asqeriu u shpreh duke thënë se nuk shtypet artisti:

"Ju doni t’i shtypni, por nuk shtypet artisti se ka në gjak lirinë. Aleanca për Teatrin veproi taktikisht, por nuk i lihet iniciativës së secilit për të shkuar atje. Besimi im më i madh është tek rinia, për ta transformuar këtë vend,. për t’i treguar politikës se ka haraçe të mëdha për të paguar. Këtu u gabua, duhej punuar me rininë dhe po të ishte rina aty nuk do kishte burrë nënë të bënte atë që bëri. Dua të shpreh mirënjohjen për kolegët e mi që patën fuqinë dhe rezistuan, për të gjitha ato vajza e gra, ata që pa asnjë detyrim shkuan e mbrojtën vendin e shenjtë të Teatrit Kombëtar."

Ndërkohë, aktori i humorit Zef Deda, është përlotur po ashtu, nga qyteti i kulturës, nga Shkodra e bukur e artisteve që shumë e duan. Shkodrani, ka folur në protestën e e mbrojtësve të Teatrit Kombëtar.

Më oborrin e Teatrit "Migjeni", Deda mori mikrofonin për të folur, puthi muret e teatrit “Migjeni”, ndërsa th ai përlotur se “këtë tempull nuk guxojnë ta prekin siç bënë me Teatrin Kombëtar”.

“Ata luajtën në mënyrën më të tradhtare sepse po të ishim ne, ju, artistët shkodranë, po të ishte vlonjati, korçari, aty përbri tij tërë natën nuk çohen këta, nuk guxojnë. Super komunistë, super fashistë. Nuk duan kulturë, nuk duan art. Ajo mafie po shkatërron këtë vend dhe e gjithë rinia jonë ka për të ikur nga këtu“, tha aktori.