Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Bularati”, deputeti i LSI përkrah minoritarët dhe kritikon mediat: Jeta e çdo njeriu është e shenjtë, analistët s'po e ruajnë qetësinë

Politiko 31 Tetor 2018, 14:26

‘Bularati”, deputeti i LSI përkrah minoritarët dhe

Deputeti i LSI në qarkun e Gjirokastrës, Vangjel Tavo reagon për herë të parë lidhur me ngjarjen e Bularatit, ku minoritari Kostandinos Kaçifas u qëllua për vdekje nga forcat RENEA, gjatë një shkëmbimi me armë zjarri.

Në një status në rrjetet sociale, Tavo përkrah minoritetin grek dhe kritikon mediat dhe analistët se nuk po e ruajnë qetësinë, duke lëkundur ekuilibrin mes dy vendeve fqinje.

Statusi i plotë:

Pas vrasjes së minoritarit Konstandinos Kacifas, në Bularat të Gjirokastrës, opinioni publik, debatet në studio televizive, media e portale të ndryshme, analistë të njohur e të panjohur, patriotë e pseudo-patriotë, duket se po bëjnë të kundërtën e asaj që duhet bërë në raste të tilla: në vend që ruajmë qetësinë ne po e humbasin atë, e në vend që të apelojmë të gjithë së bashku për zbardhjen e plotë të ngjarjes dhe transparencë të nivelit të lartë të asaj çfarë ka ndodhur në të vërtetë, gishta drejtohen kuturu nga të dyja anët e kufinjve, fajtori gjendet vetëm me një të klikuar të telekomandës, apo me një status në facebook nga ndonjë cep gjeografik pa ditur se nga bie Bularati.

Ne që e njohim dhe e duam Bularatin e të gjithë qarkun e Gjirokastrës, prej disa ditësh ndjejmë dhimbje.

Vetëm e vërteta të çliron. Vetëm e vërteta shuan konfliktet e paqëna! Vetëm e vërteta nuk cënon marrëdhëniet midis kombeve. Vetëm e vërteta nuk i lejon ata njerëz me axhendë të fshehtë ta përdorin si diversion një vrasje ose për ta përdorur atë thjeshtë si temë diskutimi.

Kam ndjekur me vëmendje prej disa ditësh këtë çështje në pritje të një raporti dhe zbardhje të plotë të ngjarjes.

Jeta e çdo njeriu është e shenjtë. Dhimbja e çdo familje është e pakrahasueshme.

Jeta e një njeriu, qoftë civil apo me uniformë policie, përpara se t'i përkasë një kombi, një qyteti, një fshati, i përket në rradhë të parë një qënieje, qënies njerëzore. Ne të gjithë jemi vëllazëria e njerëzve. Jetë-dashës, paqe-dashës, kombe-dashës, me më shumë dashuri se urrejtje, me gjëra që më shumë na bashkojmë sesa na ndajnë, ndaj këto ditë, duke mos u tunduar të biem në zemërime të paqëna, duhet të jemi më shumë se kurrë të bashkuar për të kërkuar vetëm një gjë të vetme - të vërtetën. Pasi vetëm ajo do të na çlirojë.

Nuk duhet të ketë vend për asnjë zemërim. E vërteta na çliron nga çdo zemërim.