Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Burg kush shkel sigurinë ushqimore”, gazetari: AKU, një bandë gjobëvënësish që nuk e vë në punë as dënimi me vdekje

Politiko 8 Maj 2019, 08:30

Reagimet kanë qenë të shumta, kryesisht në rrjetet sociale pasi kryeministri Edi Rama urdhëroi ashpërsimin e Kodit Penal, për ata që cënojnë sigurinë ushqimore të konsumatorëve shqiptarë, një problem alarmant pas publikimeve të rasteve flagranteve nga emisionet investigative.

Gazetari Mentor Kikia ka komentuar këtë masë nga qeveria, duke u ndalur konkretisht të Autoriteti Kombëtar i Ushqimit AKU, të cilën e cilëson si një bandë gjobëvënësish. “Gjoba ndaj atyre që nuk ka qenë në listën e financuesve të partisë e gjoba ndaj atyre që nuk lubrifikojnë rrotën e korrupsionit brenda institucionit. Sot AKU po kërkon ta gjejë shpëtimin tek burgu. Po si do të futen abuzuesit në burg, kur nuk bëhet dot analizat e produktit? Apo burgu do të jetë “Gogoli”, që do të trembë sërish ata që nuk paguajnë?”, shkruan ndër të tjera gazetari Kikia.

Reagimi i plotë:

AKU-në nuk e vë në punë as dënimi me vdekje

Qeveria ka vendosur të ashpërsojë ligjet për cënimin e sigurisë ushqimore, duke parashikuar edhe denimin me burg, me shpresën se do të ndalojë abuzimet në këtë fushë. Ashpërsimi i ligjit, në fakt, shikohet si zgjidhje sa herë institucionet nuk funksionojnë. Dhe kontrolli i sigurisë ushqimore është një nga ata më tipikët e mosfunksionimit apo të keqfunksionimit.

Unë kam një pyetje të thjeshtë: Përse është kaq e vështirë të kontrollosh dhe të ndëshkosh atë që abuzon?

Përgjigja e parë që do të të vijë, është se s’ka laboratorë të specializuar. Po përse nuk i ndërtojmë, kur kemi kaq shumë nevojë për të ofruar sigurinë tek konsumatori vendas dhe të krijojmë besimin tek tregu i huaj, që na ka futur në karantinë duke mos na lejuar asnjë lloj eksporti blegtoral. Sa për dijeni, Maqedonia fqinje eksporton mish në çdo vend të BE-së.

Në këto kushte, kur nuk kryen dot funksionin për të cilin është krijuar, AKU është përdorur sistematikisht si një bandë gjobëvënësish. Gjoba ndaj atyre që nuk ka qenë në listën e financuesve të partisë e gjoba ndaj atyre që nuk lubrifikojnë rrotën e korrupsionit brenda institucionit.

Sot AKU po kërkon ta gjejë shpëtimin tek burgu. Po si do të futen abuzuesit në burg, kur nuk bëhet dot analizat e produktit? Apo burgu do të jetë “Gogoli”, që do të trembë sërish ata që nuk paguajnë?

Në fakt problemi nuk është as burgu e as dënimi me vdekje. Problemi ka qenë dhe është vetë AKU, e cila është drejtuar nga cdo lloj personi i mundëshëm, vetëm nga specialistë të fushës jo.

Ky i fundit është më tipiku i paduhuri në atë vend!