Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Burgimet nuk i ka as Kina Popullore’, Pollo: Sa për ligj e rregull duhen parë ata që bllokuan dhjetra shqiptarë në kufi

Politiko 9 Prill 2020, 19:53

Ish ministri demokrat Genc Pollo, duke ju referuar vendimit të fundit të kryeministrit Rama, i cili paralajmëroi ndëshkim me burg për shkeljet gjatë gjendjes së pandemisë, thotë se kreyministri po e humbet mendjen dhe toruan.

Pollo shkruan se burgimet nuk ndodhin as në Kinën Popullore. Ai argumenton se nga fillimi i marsit e deri sot, qytetarët kanë reaguar me përgjegjësi ndaj apelit publik për distancim social, kufizim të daljes në rrugë e të aktivitetit publik.

Duke marrë rastin e qytetarëve të mbetur në kufi, ish ministri thekson se ndëshkimi penal duhet të nisë pikërisht me ta, pasi lënia e tyre në rrugë, shkel

kushtetutën e konventat europiane.

Reagimi i plotë

Rama, me burgimet as Kina Popullore nuk i ka, tregon se po e humbet mendjen a toruan.

Fatkeqsisht kemi edhe një sinjal më shumë se qeveria po humbet mendjen e toruan, ndërsa gjithë shoqëria përballet me sfidën shëndetësore dhe social-ekonomike të epidemisë covid19.

Qeveria Rama njofton se do të ashpërsojë, madje në disa raste trefishojë, dënimet penale për shkelësit e karantinës; madje dënimet me burg don t'i bëjë edhe më të rënda se në Kinën Popullore.

Ndërkohë që tek ne, nga fillimi i marsit e deri sot, qytetarët kanë reaguar me përgjegjësi ndaj apelit publik për distancim social, kufizim të daljes në rrugë e të aktivitetit publik. Për më tepër apeli publik është mbështetur njëzëri nga politikanë të mazhorancës e të opozitës, autoritete shëndetsore dhe personalitete publike. Edhe kur tek tuk janë shkelur rregullat, ligji në fuqi ofron masa shtrëngimi e dënime të bollshme. Nuk raportohet që policia t'i ketë përdorur gjerësisht ato masa; aq më pak rezulton se qenkan tepër të buta e të pamjaftueshme.

Sa për ligj e rregull po të flasim për ndëshkim penal, duhet të fillojmë me ata që urdhëruan bllokimin e dhjetëra qytetarëve shqiptarë për tre netë në kufi, duke shkelur me katër këmbë ligjet, kushtetutën e konventat europiane.

Të fundit