Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Burime të Politiko.al: Negociatori amerikan do të propozojë 'Paketën McAllister Plus'

Politiko 15 Maj 2017, 12:07
Burime të Politiko.al: Negociatori amerikan do të propozojë

Hoyt Bryan Yee, zëvendës ndihmës Sekretari i Shtetit Amerikan do t'i takojë sot të gjitha faktorët politikë: Kryeministrin Rama, kreun e opozitës Basha dhe kreun e Kuvendit, Ilir Meta. Përveç tyre, edhe një dyshe nga Partia Demokratike, Majlinda Bregun dhe Astrit Patozin të cilët kanë qenë skeptikë në lidhje me aksionin opozitar, duke u bër zëdhënës të formave më pak radikale.

Megjithatë, loja e madhe do të luhet në aksin Rama-Basha. Burime diplomatike të Politiko.al konfirmojnë se të dy liderëve kryesorë do t'u vihet në tavolinën e negociatave ajo që ata quajnë 'Paketa McAllister Plus'.

E ka marrë emrin prej negociatorit të partive të djathta europian (PPE), David McAlliser, i cili nuk arriti të siguronte një akord mes palëve. Thelbi i saj është shtyrja e zgjedhjeve në mes të korrikut, ndryshime në kabinet, por pa prekur Ramën si Kryeministër, kontroll të shtuar të opozitës në KQZ, dhe në disa leva të tjera të aparatit zgjedhor.

Ishte lideri i opozitës, Basha që nuk e pranoi Paketën, duke thënë më vonë se ishte dakord me parimin e saj, por jo me formulën. Shefi i qeverisë, Rama, u tërhoq një javë më vonë nga Paketa McAllister, gjatë përpjekjeve të Presidentit Nishani për gjetur një zgjidhje të krizës politike.

'Ofera ishte e mirë për kohën kur u bë, por rrethanat kanë ndryshuar', tha Rama.

E emërtuar 'Paketa McAllister Plus', sipas burimeve të Politiko.al, akordi i ri synon që të riformulojë diçka më pozitive për opozitën, bazuar te vërejtja e Bashës 'jemi dakord me parimin, por jo me formulën'.

Sa i takon 'tërheqjes' së Ramës nga Paketa McAllister (fillestarja) burimet ngulmojnë se ajo ishte 'një lëvizje taktike e Kryeministrit'.

Plusi i shtuar te Paketa McAllister është shansi i fundit për një negociatë. Nëse nuk funksionon, mazhoranca shkon e vetme në zgjedhje, drejt një parlamenti me PS e LSI, dhe disa partiza shtesë dhe përpjekjen që prej këtyre të fundit të dalë 'opozita'. Ose, LSI-së i mbetet roli 'historik' i opozitës.

A e do partia e Ilir Metës këtë?

Të fundit