Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Bylisi qytet grek”; Vittorio Sgarbi përplaset ashpër me Neritan Cekën: Makinën me xhama të zinj ma dha Rama, kërkoja atij llogaritë

Politiko 12 Qershor 2020, 00:22

“Bylisi qytet grek”; Vittorio Sgarbi përplaset ashpër me

“Këtu bëhet fjalë për përmasë arkeologjike, se kuptojë polemikën”, kështu është shprehur gazetari italian Vittorio Sgarbi referuar deklaratës së tij të mëhershme se qytetin antik i Bylisit është grek.

Në një intervistë për “Open” në Top Channel, Sgarbi thekson se asgjë nga ato të cilat ka thënë nuk kanë qenë një provokim nga ana e tij për popullin shqiptar dhe se gjithë informacionet referuar kësaj çështje i kishte marrë nga Wikipedia.

“Marrëdhënia ime me Shqipërinë është shumë pozitive dhe nuk ka të bëjë me asnjë polemikë kulturore. Është një polemikë që unë nuk e kuptova. Këtu bëhet fjalë për këtë përmasë arkeologjike, për Ilirinë që sot territorialisht i përket Shqipërisë. Unë shtrova problemin që s’ka të bëj me etnitetin gjeografik por kulturor. Nëse hap Wikipedia dhe shikojmë informacionet. Bylis është qytet grek, në kufi mes Ilirisë dhe Epirisë. Nëse ky definicion për ju është provokim, nuk është i imi, nuk është provokim i imi. Unë jam gati të pranoj emrin që ju i jepni Ilirisë, pastaj nëse ju doni të hiqni dhe grekët, është skandal ndërkombëtar. Nuk e kuptoj pse polemika ka mbërritur deri në Greqi”, u shpreh Sgarbi.

Mirëpo, në këtë moment ka ndërhyrë arkeologu Neritan Ceka, i cili kritikoi për lëvizjen e gazetarit me makinë me xhama të zinj, duke deklaruar me tej se makinën ja ka dhënë Rama, me të cilin ka miqësi.

Ceka: S’ka pse të jetë i shqetësuar Sgarbi se mbetet mik i Shqipërisë. Do harrohet shpejt ky incident.

Sgarbi: Nuk e kuptoj polemikën. Unë jam zbavitur. Nuk kam bërë polemikë. Nuk shikoj polemikë. Unë do ju dëgjoj me dëshirë deri në fund.

Ceka: Unë ju rekomandoj që herën tjetër që kur të jeni mik i shqipërisë, mos e shëtisni Shqipërinë me makina me xhama të zinj. Mos bëni rrëmuijë. Mundohuni të shoqëroheni me njerëz të kulturës suaj. Nuk dua t’ju bëj leksion, por ju e dini që Greqia s’ka qenë kurrë shtet. Ka qenë Athina, Sparta…

Kurrë grekët nuk kanë bërë luftë. Edhe Iliria nuk ka qenë kurrë e pushtuar nga Greqia. Këtu kemi pasur koloni greke, por në prapavijën e tyre ka qenë kultura ilire. Iliria ka qenë që në epokën e Bronxit, Hekurit. Të kishit pasur dikë më të kulturuar me vete, do ju thonin se aty është Klosi, Dimali. Edhe Klosi dhe Dimali kanë teatro. Këto qytete janë Ilirie. Kemi Albanopolisin në Krujë, vend i Skënderbeut.

Sgarbi: Makinat me xhamat të zinj mi ka dhënë kryeministri Rama, llogarinë kërkoja atij. Nuk do ju vij më në Shqipëri, mos u shqetësoni. Unë kam ardhur vetëm për vajzën time që është shqiptare dhe miqësinë me kryeministrin Rama. Nëse lindin polemika të tilla unë nuk vi më këtu.