Flash News

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

KRYESORE

Bylykbashi: Gjiknuri bojkotoi mbledhjen, opozita ka për draft kodin zgjedhor ekzistues për koalicionet

Politiko 22 Shtator 2020, 15:18

Bylykbashi: Gjiknuri bojkotoi mbledhjen, opozita ka për draft kodin

Pas përfundimit të mbledhjes së Këshillit Politik, përfaqësuesi i opozitës jashtëparlamentare Oerd Bylykbashi tha se mbledhja u bojkotua nga përfaqësuesi i PS, Damian Gjiknuri, pasi opozita ishte e gatshme të vazhdonte diskutimin mbi atë se çfarë do t'i dërgonin OSBE-ODIHR.

Ai tha se janë të gatshëm të vazhdojnë dhe presin reflektim nga mazhoranca. Lidhur me kërkesën e Gjiknurit për një propozim konkret, Bylykbashi tha se opozita ka për draft kodin zgjedhor ekzistues për koalicionet parzgjedhore.

"Opozita e bashkuar i është drejtuar OSBE/ODIHR me pyetje specifike lidhur me çështjen thelbësore që përballet ky këshill. Ne kërkojmë ruajtjne e koliaicionit sic janë sot në Kodin zgjedhor, PS kërkon të ndryshojë rregullat kur procesi ka nisur. Shkresa në koordinim me faktorin ndërkombëtar dhe me mbështetjen e tyre. Këshilli është ngritur dhe ka funksionuar me nxitjen e partnerëve ndërkombëtarë SHBA dhe BE, dhe në këtë proces opozita i ka qëndruar angazhimeve së marrëveshjes së 14 janarit. Kërkuam konsensus dhe u gjet më 30 qershor, mbi bazën e marrëveshjes së 5 qershorit. Të gjitha ato çfarë ramë dakord kaluan në Kuvend pa asnjë ndryshim. Sot PS refuzoi që t’i drejtohemi OSBE-ODIHR dhe përfaqësuesi i PS bojkotoi mbledhjen edhe pse ne ishim të gatshëm të vazhdonin të diskutonim se çfarë do t’i çonim OSBE-ODIHR. Jemi të gatshëm të vazhdojmë, presim reflektim nga PS sa më parë.

Qëllimi i këtij këshilli është arritja e konsensusit për të garantuar procesin zgjedhor. Nëse s’ka konsensus duhet t’i drejtohemi OSBE-ODIHR. Këshilli s’ka për të qenë kurrë fasadë, as vulë noteri i mazhorancës për interesat e saj politike. Ky këshill duhet të funksionojë me konsensus. Opozita ka për draft kodin zgjedhor ekzistues për koalicionet parzgjedhore, në shkelje të draftit është maxhoranca, ndaj po i drejtohemi ODIHR." tha Bylykbashi.

Ndërsa, Petrit Vasili tha se qëndrimi i Gjiknurit në mbledhjen e sotme ishte se vetëm pyetjet e tij mund t'i shkojnë OSBE-ODIHR dhe jo pyetjet e opozitës.

"Sot ne vendosëm në tavolinë draftin, qëndrimi i Gjiknurit ishte bojkotimi i plotë. Ai na tha se vetëm pyetjet që bëj unë mund të shkojnë tek OSBE-ODIR dhe jo pyetjet që bën opozita. Siç e patë edhe ju ai e konsideroi vetëm një këshill konsultativ. Këshilli Politik ka qenë një këshill vendimmarrës, por të tmerruar nga ideja dhe organizimi i zgjedhjeve thonë se këshilli politik është vetëm një këshill konsultativ", deklaroi Vasili.